ԵՐԵՎԱՆ, 19 ապրիլի — Sputnik. Reddit կայքի համահիմնադիր Ալեքսիս Օհանյանի հարսնացու Սերենա Ուիլյամսն ակնարկել է, որ երեխայի է սպասում։
35-ամյա մարզիկը Snapchat-ի իր էջում «փորիկով» նկար է հրապարակել և կից գրառում արել` «20 շաբաթ»՝ անուղղակի կերպով ակնարկելով, որ հղի է:
Հիմա հասկանալի է, թե ինչու էր Ալեքսիսը նկար հրապարակել, որում նա գրկել էր իր հարսնացուին։
Նշենք, որ Ալեքսիսի ու Սերենայի հարաբերությունների մասին սկսեցին խոսել 2015 թվականի աշնանից։ 2016 թվականի վերջին զույգը հայտարարեց նշանադրության մասին։
Սերենա Ուիլյամսն ամերիկացի պրոֆեսիոնալ թենիսիստուհի է։ 2002 թվականի հուլիսի 8-ին դարձել է թիվ 1 ռակետը և վերին հորիզոնական վերադարձել 6 անգամ։ 2013 թ. փետրվարի 18-ին կրկին դարձել է առաջին ռակետը՝ միաժամանակ դառնալով Կանանց թենիսի ասոցիացիայի (WTA) պատմության ամենատարեց թիվ 1 ռակետը։
Սերենա Ուիլյամսը նաև ամենաշատ գումար վաստակած կին թենիսիստն է և կանանց շարքում առաջինն է, որի պարգևավճարները գերազանցել են 50 միլիոն դոլարը[5]։
Գործող թենիսիստների շարքում Ուիլյամսը «Մեծ սաղավարտ» մրցաշարի ամենաշատ տիտղոսներ նվաճած մարզիկն է՝ մենախաղի, զուգախաղի և խառը զուգախաղի ընդհանուր ցուցանիշով։
