ԵՐԵՎԱՆ, 24 ապրիլի, Sputnik. Sputnik Արմենիա լրատվական գործակալությունն ու ռադիոն Մեծ հայրենական պատերազմի հաղթանակի օրվա նախօրեին НТВ հեռուստաալիքի և «Одноклассники» (ОК) սոցիալական կայքի հետ համատեղ ԱՊՀ և Բալթյան երկրներում մեկնարկեց #ОднаНаВсех ծավալուն ակցիան ։ Ակցիայի շրջանակում համացանցի յուրաքանչյուր օգտատեր Sputnik և ОК պաշտոնական էջերում, նաև НТВ կայքում OK Live հավելվածի օգնությամբ կարող է տեղադրել իր տեսահոլովակը Բուլատ Օկուջավայի «Нам нужна одна победа» երգով և կիսվել դրանով #ОднаНаВсех հեշթեգով։ Լավագույն տեսահոլովակները կհրապարակվեն Sputnik ԱՊՀ և Բալթիա պորտալներում, նաև կհայտնվեն НТВ-ի եթերում։
Ակցիայի շրջանակում Sputnik-ը տեսանախագիծ է սկսում Մեծ հայրենական պատերազմի վետերանների, երգչախմբերի, ԱՊՀ և Բալթիայի հայտնի երաժիշտների և Sputnik —ի խմբագրային թիմերի մասնակցությամբ։ Նախագծի մասնակիցները նույնպես կկատարեն հայտնի երգի տողերը։ Հաղթանակի օրը` մայիսի 9-ին, Sputnik Արմենիա, Բելառուս, Մոլդովա և Ղրղըզստան կայքերում կմեկնարկեն ուղիղ եթերներ տոնական միջոցառումների հարթակներից։ «Одноклассники» սոցիալական կայքի և OK Live հավելվածի օգտատերերը նույնպես կարող են պատմել` ինչպես են նշում Հաղթանակի օրը իրենց երկրներում, հեռարձակումները տեղադրելով #ОднаНаВсех հեշթեգով։ Լավագույնները կհայտնվեն НТВ-ի եթերում։
Նախագիծը իրականացվում է НТВ հեռուստաընկերությանն և «Одноклассники» սոցիալական կայքի հետ համատեղ Ռուսաստանում և եվրասիական երկրներում։ Նախագծի նպատակն է վառ պահել Մեծ հայրենական պատերազմի մարտիկների սխրանքի մասին հիշատակը և ցույց տալ սերնդների միջև կենդանի կապը։ Մայիսի 9-ին НТВ-ի եթերում կհայտնվեն առաջին տեսահոլովակները #ОднаНаВсех հեշթեգով։ Դրանցից մեկի հերոսներ կդառնան НТВ —ի և Sputnik —ի «Ты супер!» հայտնի միջազգային վոկալային մանկական մրցույթի մասնակիցները։ Տաղանդավոր երեխաները Ռուսաստանից, Ադրբեջանից, Հայաստանից, Ուկրաինայից, Էստոնիայից և Բելառուսից միասին կկատարեն բազում սերունդների սիրած երգը։
* Ադրբեջան, Հայաստան, Աբխազիա, Բելառուս, Վրաստան, Ղազախստան, Ղրղըզստան, Լատվիա, Լիվտա, Մոլդովա, Տաջիկստան, Ուզբեկստան, Էստոնիա և Հարավային Օսեթիա։
ՆՏՎ-ն Ռուսաստանի խոշորագույն ոչ պետական հեռուստաընկերություններից է, գործում է 1993թ-ի հոկտեմբերից և ընդգրկված է ռուսական հեռուստաշուկայի առաջատար հեռուստաընկերությունների եռյակում: ՆՏՎ-ն հեռարձակվում է ՌԴ գրեթե բոլոր շրջաններում՝ ընդգրկելով բնակչության 99,2 տոկոսը: Ռուսալեզու հանդիսատեսի համար հեռարձակվում է Ռուսաստանի սահմաններից դուրս՝ մերձավոր արտասահմանի, Եվրոպայի և Մերձավոր Արևելքի երկրներում, ինչպես նաև Հյուսիսային Ամերիկայում և Ավստրալիայում: ՆՏՎ-ն ունի երկու միջազգային տարբերակ՝ ՆՏՎ աշխարհ և ՆՏՎ Ամերիկա:
Հիմնադրման պահից ՆՏՎ-ն հաջողությամբ ստեղծում և զարգացնում է հեռուստատեսային կարևոր ժանրեր։ Ալիքի ծրագրերի շարքում ավանդաբար առաջատար դիրք են զբաղեցնում լրագրողական հետաքննությունները, հասարակական նշանակություն ունեցող թեմաների շուրջ բանավեճերը։ Առաջին հերթին, նորություններն ու վերլուծությունները ՆՏՎ-ի հեռարձակման հիմքն են կազմում։ ՆՏՎ-ի պրոֆեսիոնալ կազմը ճանաչվել է Ռուսաստանում և ամբողջ աշխարհում։ Ամեն տարի թղթակիցները, մեկնաբաններն ու ՆՏՎ-ի հաղորդավարները կառավարական և լրագրողական բարձր պարգևների են արժանանում։ Ժամանցային նախագծերը` հայրենական արտադրության սերիալներն ու ֆիլմերը, սոցիալական և ժամանցային ծրագրերը, խաղարկային շոուները բազմիցս արժանացել են հեղինակային մրցանակների։
Одноклассники-ին առաջին սոցիալական կայքն է ռունեթում տեսանյութերի դիտումների քանակով (comScore, 2016 —ի դեկտեմբեր)։ Սոցիալական կայքի ներքին տվյալների համաձայն, ОК-ում օրական մոտ 350 միլիոն դիտում է գրանցվում։ ОК-ն հասանելի է ինչպես UGC կոնտենտ, այնպես էլ հեղինակային իրավունքներով կոնտենք` ֆիլմեր, սերիալներ, TV-հաղորդումներ և բլոգերների տեսանյութեր։ Դրան զուգընթաց ОК-ում իրականացվում է ռուսական հեռուստաընկերությունների մեծ մասի ուղիղ հեռարձակումը, սոցիալական կայքը նաև օնլայն ռեժիմով ցույց է տալիս աշխարհում կատարվող նշանավոր իրադարձությունները՝ մայիսի 9-ի շքերթից ու Վլադիմիր Պուտինի ասուլիսից սկսած մինչև Նոբելյան մրցանակի հանձնում ու նորաձևության ցուցադրություններ։ 2016 թվականի սեպտեմբերին «Одноклассники»-ին սկսել է գործածել «ОК Live для медиа», որն անվճար գործիք է, թույլ է տալիս լրատվական պարբերականների և հեռուստաընկերությունների խմբագիրներին փնտրել օգտատերերի հրապարակած նյութերը՝ հրապարակումերին կցելու համար։ Ֆունկցիան հասանելի է Ռուսաստանում և ողջ աշխարհում։ Գործիքն աշխատում է OK Live ծառայության հիման վրա (դա առանձին հեռախոսային հավելված է ուղիղ հեռարձակումներ իրականացնելու համար)։
