Ներկայացվող Աբովյան 8 շենքը վերջերս հիմնովին և մասնագիտական բարձր որակով վերանորոգվել է, և այժմ այստեղ է տեղակայված «Նոյյան տապան» գրախանութը: Շենքը դարասկզբին պատկանել է երևանաբնակ մեծահարուստ առևտրական Բարսեղ Եղիազարյանին, որը նաև ժամանակին ճանաչված հասարակական գործիչ էր՝ Երևանի քաղաքային դումայի պատգամավոր: Նա հայտնի է եղել իր բարեգործական ձեռնարկումներով, խոշոր ներդրումներ է կատարել Երևանի ջրմուղի կառուցման հիմնադրամի համար: Բարսեղ Եղիազարյանը 19-րդ դարավերջին, 20-րդ դարասկզբին Երևանում ունեցել է բամբակամշակման արտադրություն, կտորեղենի երկու խոշոր խանութ և երեք բնակելի տուն քաղաքի կենտրոնական հատվածում:
Աբովյան 8 շենքը կառուցվել է Երևանի բազմաթիվ բարձրարվեստ շինությունների հեղինակ ճարտարապետ Վասիլի Միրզոյանի նախագծով: Չնայած Աբովյան 8-ի հիմնադրումը ընդունված է համարել 1880-ական թվականները, բայց փաստերը վկայում են (այդ թվում նաև Վասիլի Միրզոյանի անձնական նամակագրությունը), որ շինարարությունը վերջնականապես իր ավարտին է հասցվել և շենքն իր ներկայիս տեսքն է ստացել 1905 թվականից ոչ շուտ: Սև տուֆից, երկհարկանի, նրբաճաշակ հորինվածքով, բազմաթիվ կամարներով և զարդաքանդակներով այս շենքը իրավմամբ համարվում է այդ ժամանակաշրջանի Երևանի ամենագեղեցիկ կառույցներից մեկը և Վասիլի Միրզոյանի լավագույն ճարտարապետական նախագիծը:
Շենքը նաև պատմական մեծ արժեք է ներկայացնում: 1914 թվականից, 1-ին համաշխարհային պատերազմի հենց սկզբից, այստեղ երկրորդ հարկում սկսում է գործել Երևանի բարեգործական ընկերության կողմից հիմնված «Հայկական հիվանդանոցը»՝ 30 մահճակալով, որը նախատեսված էր ռազմաճակատի վիրավոր զինվորների համար: Այն կառավարում էր 20 հայ տիկնանցից բաղկացած կոմիտեն, իսկ հիվանդանոցի տնօրենն էր անվանի բժիշկ-վիրաբույժ Հովհաննես Հովհաննիսյանը։ 1918-ի մայիսի վերջին հիվանդանոցն արդեն իր խնամակալության տակ է առնում Սարդարապատի ճակատամարտի վիրավոր հերոսներին:
![Աբովյան 8 հասցեում գտնվող շենքը Աբովյան 8 հասցեում գտնվող շենքը - Sputnik Արմենիա](https://cdn.am.sputniknews.ru/img/708/49/7084929_0:634:1065:1303_600x0_80_0_0_efacac808f3942f3a39c56391ee0f3da.jpg)
![Աբովյան 8 շենքը վերջերս հիմնովին և մասնագիտական բարձր որակով վերանորոգվել է Աբովյան 8 շենքը վերջերս հիմնովին և մասնագիտական բարձր որակով վերանորոգվել է - Sputnik Արմենիա](https://cdn.am.sputniknews.ru/img/708/50/7085050_0:59:1599:1065_600x0_80_0_0_bad0051c3586a3fde6fe27953206c966.jpg)
![Շենքի զարդաքանդակները Շենքի զարդաքանդակները - Sputnik Արմենիա](https://cdn.am.sputniknews.ru/img/708/51/7085131_0:59:1599:1065_600x0_80_0_0_a818744f8c8b2a756c59a858d6bab2e5.jpg)
![Աբովյան 8 շենքը կառուցվել է Երևանի բազմաթիվ բարձրարվեստ շինությունների հեղինակ ճարտարապետ Վասիլի Միրզոյանի նախագծով Աբովյան 8 շենքը կառուցվել է Երևանի բազմաթիվ բարձրարվեստ շինությունների հեղինակ ճարտարապետ Վասիլի Միրզոյանի նախագծով - Sputnik Արմենիա](https://cdn.am.sputniknews.ru/img/708/51/7085192_0:59:1599:1065_600x0_80_0_0_724bc7b1c0533fac7a42fefc042f9811.jpg)
![Սև տուֆից, երկհարկանի, նրբաճաշակ հորինվածքով, բազմաթիվ կամարներով և զարդաքանդակներով շենքը Սև տուֆից, երկհարկանի, նրբաճաշակ հորինվածքով, բազմաթիվ կամարներով և զարդաքանդակներով շենքը - Sputnik Արմենիա](https://cdn.am.sputniknews.ru/img/708/52/7085253_0:59:1599:1065_600x0_80_0_0_508c2878be32bea6626bab5af98f0f85.jpg)
![Շենքը պատմական մեծ արժեք է ներկայացնում Շենքը պատմական մեծ արժեք է ներկայացնում - Sputnik Արմենիա](https://cdn.am.sputniknews.ru/img/708/53/7085315_0:59:1600:1065_600x0_80_0_0_2c9b2727b7ddfb62fe7fb549a86a15a1.jpg)
![1914 թվականից, 1-ին համաշխարհային պատերազմի հենց սկզբից, այստեղ երկրորդ հարկում սկսում է գործել Երևանի բարեգործական ընկերության կողմից հիմնված «Հայկական հիվանդանոցը» 1914 թվականից, 1-ին համաշխարհային պատերազմի հենց սկզբից, այստեղ երկրորդ հարկում սկսում է գործել Երևանի բարեգործական ընկերության կողմից հիմնված «Հայկական հիվանդանոցը» - Sputnik Արմենիա](https://cdn.am.sputniknews.ru/img/708/53/7085372_0:0:1599:1005_600x0_80_0_0_002d2e304febb9c174bbd358c6a02a87.jpg)
![Ուշագրավ փաստ է նաև, որ այս շենքի պատերի մոտ են անցել 1919 և 1920 թվականների մայիսի 28-ին Առաջին հանրապետության անկախության տոնի առթիվ կազմակերպված համահայաստանյան պաշտոնական շքերթներն ու զորահանդեսները Ուշագրավ փաստ է նաև, որ այս շենքի պատերի մոտ են անցել 1919 և 1920 թվականների մայիսի 28-ին Առաջին հանրապետության անկախության տոնի առթիվ կազմակերպված համահայաստանյան պաշտոնական շքերթներն ու զորահանդեսները - Sputnik Արմենիա](https://cdn.am.sputniknews.ru/img/708/54/7085434_0:63:1600:1068_600x0_80_0_0_708ffc9210a04a3c29f684959ac47805.jpg)
![Շենքի պատշգամբը Շենքի պատշգամբը - Sputnik Արմենիա](https://cdn.am.sputniknews.ru/img/708/54/7085491_0:63:1600:1068_600x0_80_0_0_1809f4b0fa24ad06150f80c25ed33ad9.jpg)
![Շենքի կամարներն ու զարդաքանդակները Շենքի կամարներն ու զարդաքանդակները - Sputnik Արմենիա](https://cdn.am.sputniknews.ru/img/708/55/7085555_29:0:1600:988_600x0_80_0_0_51776daacc3525a4632dcf2c72e13ae7.jpg)
Ուշագրավ փաստ է նաև, որ այս շենքի պատերի մոտ են անցել 1919 և 1920 թվականների մայիսի 28-ին Առաջին հանրապետության անկախության տոնի առթիվ կազմակերպված համահայաստանյան պաշտոնական շքերթներն ու զորահանդեսները: Շենքի պատշգամբից և պատուհաններից այդ տոնախմբություններն են դիտել և ծափահարել Հայաստանում հավատարմագրված դիվանագետներն ու հյուրերը: Ճակատագրի բերումով, հենց այս շենքի նույն պատշգամբից է 1920 թվականի դեկտեմբերի 2-ին Հայաստանում հռչակվել խորհրդային կարգերի հաստատումը:
1920-1937 թվականներին շենքում գործել է Խորհրդային Հայաստանի կոմկուսի Կենտրոնական կոմիտեն և այստեղ են աշխատել Հայաստանի կոմկուսի առաջին քարտուղարները, այդ թվում՝ Աղասի Խանջյանը (1930-1936), որի վերաբերյալ շենքի պատին կա համապատասխան հուշատախտակ: Հետագայում այստեղ երկար տարիներ տեղակայված է եղել Ստեփան Շահումյանի անվան պրոպագանդայի և քաղաքական լուսավորության տունը, իսկ 1981 թվականից՝ «Գիտելիք» ընկերության վարչությունը: