ԵՐԵՎԱՆ, 21 ապրիլի — Sputnik. Երևանի ավագանու ընտրություններին մասնակցելու համար Կենտրոնական ընտրական հանձնաժողովում առաջադրվել է երեք քաղաքական ուժ՝ Հայաստանի Հանրապետական կուսակցությանը, «Ելք» դաշինքը և «Երկիր Ծիրանի» կուսակցությանը:
ՀՀԿ-ի համամասնական ցուցակը գլխավորում է Երևանի գործող քաղաքապետ Տարոն Մարգարյանը, «Ելք» դաշինքի ցուցակը՝ «Քաղաքացիական պայմանագիր» կուսակցության վարչության անդամ Նիկոլ Փաշինյանը, «Երկիր Ծիրանի» կուսակցության ցուցակը՝ Զարուհի Փոստանջյանը:
«Ելք» դաշինքն արդեն սկսել է քարոզարշավը՝ կեսգիշերին «Հաղթանակ» զբոսայգուց երկինք օդապարիկներ բաց թողնելով: Ապրիլի 21-ին դաշինքի անդամները Մոսկովյան, Իսահակյան և Տերյան փողոցներին հարող տարածքից երթով կշարժվեն Հյուսիսային պողոտա, որտեղ կկայանա հավաք և հաﬔրգ:
Հայաստանի Հանրապետական կուսակցությանը քարոզարշավը կսկսի Էրեբունի վարչական շրջանից, որտեղ կուսակցության ավագանու թեկնածուները գործող քաղաքապետ Տարոն Մարգարյանի գլխավորությամբ բակային հանդիպուﬓեր կունենան բնակիչների հետ:
«Երկիր Ծիրանի» կուսակցությանը քարոզարշավը սկսելու է հեծանվաերթով, որը կﬔկնարկի Ազատության հրապարակից ապրիլի 21-ին, ժամը 17:00-ին:
Երևանի ավագանու ընտրությունները տեղի կունենան 2017թ. մայիսի 14-ին:
