«Այս պահի դրությամբ որևէ կուսակցություն կամ կուսակցությունների դաշինք Կենտրոնական ընտրական հանձնաժողով գրանցման համար անհրաժեշտ փաստաթղթեր չի ներկայացրել»,- ասաց Սմբատյանը` նշելով, որ ընդունման ժամկետը մինչև ապրիլի 9-ն է։
Ապրիլի 9-ից հետո հանձնաժողովը կսկսի առաջադրման փաստաթղթերի ուսումնասիրության և գրանցման գործընթացը, որի ավարտից հետո կմեկնարկի քարոզչության շրջանը։ Մայիսի 12-ը կլինի քարոզչության վերջին օրը։
Ավագանու ընտրություններին կհաջորդի քաղաքապետի ընտրությունը։
Ըստ ընտրական օրենսդրության` կուսակցության կամ դաշինքի ցուցակի ընտրական գլխավորող առաջին համարի թեկնածուն համարվում է նաև քաղաքապետի թեկնածուն, և նա ուղղակիորեն, առանց ավագանու որոշման կարող է ընտրվել, եթե այդ կուսակցությունը կամ դաշինքը ստանա մանդատների մեծամասնությունը։ Եթե առաջին համարը հրաժարվի քաղաքապետի պաշտոնից, ապա ավագանին նիստ կգումարի և կընտրի քաղաքապետին։
