ԵՐԵՎԱՆ, 20 ապրիլի — Sputnik. Սանկտ Պետերբուրգի մետրոպոլիտենում ապրիլի 3-ին իրականացրած ահաբեկչության պատվիրատուի ինքնությունը պարզվել է։ Այդ մասին հայտնում է ՌԻԱ Նովոստին` հղում անելով գերատեսչության ղեկավար Ալեքսանդր Բորտնիկովին։
«Գրեթե պարզվել է»,- ասել է Բորտնիկովը։
Ավելի վաղ դատարանը ձերբակալել էր Սանկտ Պետերբուրգի մետրոյում իրականացրած ահաբեկչության ենթադրյալ կազմակերպիչ Աբրոր Ազիմովին։ Ահաբեկչությանը մասնակից լինելու կասկածով ձերբակալվել էր նաև նրա եղբայր Աքրամը։
Սանկտ Պետերբուրգի մետրոյի կայարաններից մեկում պայթյունը որոտացել էր ապրիլի 3-ին ժամը 15:35-ին՝ «Տեխնոլոգիական ինստիտուտ» և «Սենայի հրապարակ» կայարանի մոտ։ Ըստ նախնական տվյալների՝ զոհվել է 15, տուժել՝ ավելի քան 50 մարդ: Պայթուցիկ սարքերի հզորությունը տրոտիլային համարժեքով մոտ 200-300 գրամ է եղել։
