ԵՐԵՎԱՆ, 20 ապրիլի — Sputnik, Արմենուհի Մխոյան. «Մարդկանց մոլորակը» շարժման շրջանակներում Թուրքիայի ամենամեծ քաղաքներից մեկում՝ Բուրսայում, իսկ ապա՝ նաև Ստամբուլում կներկայացվի 12 հայ արվեստագետի ավելի քան 50 գործ և ևս 3 վիդեո-արտ:
Նախագիծը միայն այսքանով չի ավարտվի, այս երկու ցուցադրությունները կեզրափակվեն «Ջազ-Բամբիռ»-ի «Կապույտ գնդակ» համերգային ծրագրով: Նշենք, որ Թուրքիայի մեծությամբ 4-րդ քաղաքում նմանատիպ առաջին մեծ նախագիծն է հայ արվեստագետների մասնակցությամբ:
Թուրքիայում ներկայանալու առաջարկությունն արել է Անադոլու Կուլտուր /Anadolu Kultur/կազմակերպությունը: Նախաձեռնությանն աջակցել է Եվրամիությունը՝ «Աջակցություն Հայաստան-Թուրքիա կարգավորման գործընթացին. 2-րդ փուլ» ծրագրի շրջանակներում և Բուրսայի Նիլուֆերի քաղաքապետարանը՝ համագործակցելով Գյումրու քաղաքապետարանի հետ:
Ինչպես տեղեկացրեց «Գալերի 25»-ի հիմնադիր Ալեքսան Տեր-Մինասյանը, գաղափարը սկիզբ է առել Արմեն Տեր-Մկրտչյանի համանուն ցուցադրությունից ու գնալով դարձել շարժում՝ իր մեջ կրելով Անտուան դը Սենտ Էքզյուպերիի՝ «Միակ իսկական շքեղությունը մարդկային հաղորդակցության շքեղությունն է» արտահայտոււթյունը: Այսպես՝ «Մարդկանց մոլորակը» ցուցադրությունը «Գալերի 25»-ի նախաձեռնությամբ վերածվեց արտ-շարժման, որին միացան ու դեռ միանում են տարբեր արվեստագետներ բազմաթիվ երկրներից:
![Հայ արվեստագետների աշխատանքները ցուցադրվում են Թուրքիայում Հայ արվեստագետների աշխատանքները ցուցադրվում են Թուրքիայում - Sputnik Արմենիա](https://cdn.am.sputniknews.ru/img/707/27/7072789_94:0:989:563_600x0_80_0_0_1cec93473162f30bf97f0dd73cff4a99.jpg)
![Հայ արվեստագետների աշխատանքները ցուցադրվում են Թուրքիայում Հայ արվեստագետների աշխատանքները ցուցադրվում են Թուրքիայում - Sputnik Արմենիա](https://cdn.am.sputniknews.ru/img/707/27/7072728_105:0:1000:563_600x0_80_0_0_620eaf356fc8d9aa1991ca8a0cbe66b1.jpg)
![Հայ արվեստագետների աշխատանքները ցուցադրվում են Թուրքիայում Հայ արվեստագետների աշխատանքները ցուցադրվում են Թուրքիայում - Sputnik Արմենիա](https://cdn.am.sputniknews.ru/img/707/26/7072669_86:0:981:563_600x0_80_0_0_def4ad432375536bd648e20122dd4f7d.jpg)
![Հայ արվեստագետների աշխատանքները ցուցադրվում են Թուրքիայում Հայ արվեստագետների աշխատանքները ցուցադրվում են Թուրքիայում - Sputnik Արմենիա](https://cdn.am.sputniknews.ru/img/707/26/7072612_0:0:894:562_600x0_80_0_0_451753fda7d7d99f5bc8aa5ee5b51dd3.jpg)
![Հայ արվեստագետների աշխատանքները ցուցադրվում են Թուրքիայում Հայ արվեստագետների աշխատանքները ցուցադրվում են Թուրքիայում - Sputnik Արմենիա](https://cdn.am.sputniknews.ru/img/707/21/7072193_31:0:926:563_600x0_80_0_0_3ad3e44c68da61397f63e54430f45f3f.jpg)
![Հայ արվեստագետների աշխատանքները ցուցադրվում են Թուրքիայում Հայ արվեստագետների աշխատանքները ցուցադրվում են Թուրքիայում - Sputnik Արմենիա](https://cdn.am.sputniknews.ru/img/707/21/7072122_0:0:894:562_600x0_80_0_0_71e9385523e052404ec525efddac453c.jpg)
«Արմեն Տեր-Մկրտչյանի ցուցահանդեսը կամաց-կամաց վերածվեց մեծ նախաձեռնության, որն իր մեջ ներգրավում է տարբեր արվեստագետների ու ստեղծագործողներ, ամեն մեկը յուրովի միացավ այս շարժմանը՝ մարդկային շփման կարևորագույն գաղափարին: Սա մեզ համար անչափ կարևոր է ու ինքնաբուխ»,- հավելեց Ալեքսան Տեր-Մինասյանը՝ ավելացնելով, որ շարժումը միշտ բաց է ցանկացած արվեստագետի ու ստեղծագործողի լավ ու հետաքրքիր գաղափարի համար: