ԵՐԵՎԱՆ, 17 մարտի — Sputnik. Թուրքիայի մի շարք խոշոր քաղաքներում ժողովուրդը դուրս է եկել փողոց։ Նրանք բողոքում են նախօրեին անցկացված սահմանադրական փոփոխությունների արդյունքների դեմ։ Այս մասին գրում է թուրքական «Ջումհուրիյեթ»-ը:
Ակցիայի մասնակիցները նշում են, որ Թուրքիայի երեք ամենամեծ քաղաքներում` Ստամբուլում, Անկարայում և Իզմիրում, ինչպես նաև Անթալիայում, Մուղլայում, Ադանայում, Մերսինում, Դիարբեքիրում, Վանում, Էսքիշեհիրում «Ոչ» քվեարկողները գերակշռել են:
Անկարայում և Իզմիրում ցույցերի ժամանակ ոստիկանության աշխատակիցների և ցուցարարների միջև բախումներ են գրանցվել:
Իշխող «Արդարություն և զարգացում» կուսակցության անդամներից Օմար Թուրանը համացանցի միջոցով սպառնացել է ցուցարարներին, որ նրանք կարժանանան նույն պատասխանին, ինչ 2013թ.-ին Գեզիի զբոսայգու համար կազմակերպված ցույցերի մասնակիցները:
Հիշեցենք, որ նախօրեին տեղի ունեցած սահմանադրական բարեփոխումներին Թուրքիայում կողմ է քվեարկել 51.3 տոկոսը, դեմ` 48.55-ը: Հանրաքվեին մասնակցության հայտը կազմել է 84 տոկոս:
