ԵՐԵՎԱՆ, 15 ապրիլի — Sputnik. Youtube-ի օգտատեր «Savenski»-ն 6 րոպե տևողությամբ ֆիլմ է հրապարակել այն մասին, թե Երևանում ծնված Հենրիխ Մխիթարյանն ինչ ճանապարհ է անցել Մանչեսթեր հասնելու համար:
Հեղինակը պատմությունը սկսում է երիտասարդ ֆուտբոլիստի հորից, պատմում, թե ինչպես է Համլետ Մխիթարյանը վաղաժամ մահացել, ու տղան ժամեր շարունակ դիտել է հոր ֆուտբոլային հանդիպումների տեսանյութերը:
Ֆիլմում ներկայացվում են Հենրիխ Մխիթարյանի ճանապարհին հանդիպած խոչընդոտներն ու վերելքները: Նշվում է, որ հայտնի ֆուտբոլիստը յոթ անգամ անընդմեջ Հայաստանի լավագույն ֆուտբոլիստ է ճանաչվել:
«Հայաստանում նրան սիրում են, հավատում, երկրպագում»,- ասում է ֆիլմի հեղինակը՝ ընդգծելով, որ Մխիթարյանը կարողացել է բոլոր դժվարությունները հաղթահարել համառության շնորհիվ:
