ԵՐԵՎԱՆ, 14 ապրիլի — Sputnik. Համաշխարհային ճանաչում ունեցող երգիչ և կոմպոզիտոր Սթինգը տպավորված է նրանով, որ նրա երգացանկից կուլտ դարձած երգերից մեկի` Englishman in New York-ի մոտիվներով ֆուտբոլային չանտ էր ստեղծվել, որը երկրպագուները նվիրել էին մեր հայրենակից, Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանին: Այդ մասին երաժշտական օլիմպոսի աստղերից մեկը հայտնել է BBC-ին տված հարցազրույցում:
Ես ուրախ եմ դրա համար: Ինձ դուր է գալիս, երբ երգերը տարբեր նպատակներով ձևափոխվում են: Կարծում եմ, դա հիասքանչ է: Որպես երգի հեղինակ, ես միշտ հիացմունքով եմ հետևում, թե ինչպես են չանտերը վայրկենաբար տարածում գտնում երկրպագուների շարքում, և բոլորը սկսում են դրանք երգել,- ասաց Սթինգը:
«Յունայթեդի» երկրպագուները Մխիթարյանին նվիրված չանտ են հորինել դեռ անցյալ ամառ:
