ԵՐԵՎԱՆ, 14 դեկտեմբերի — Sputnik. Հենրիխ Մխիթարյանը կամ Միկին, ինչպես նրան անվանում են գերմանացի երկրպագուները, իսկ հիմա արդեն` հայ երկրպագուները, սկսել է նվաճել համազգային, «համաբրիտանական» ճանաչում։ Եվ հարցը ԶԼՄ-ներում հոդվածների և հրապարակումների առատության մեջ չէ, այլ սիրված ֆուտբոլիստին նվիրված հասարակ երգի։
Խաղի ընթացքում տրիբունները «պայթում» էին ոչ այդքան ներդաշնակ և համահունչ, բայց դրանից ոչ պակաս սրտառուչ ֆուտբոլային վանկարկումով։ Դա այն չէ. որը դեռ օգոստոսին համացանցում հայտնվել էր (բարում երգող երկրպագուներով տեսանյութը)։ Բայց լավ բանը շատ չի լինում, և տեսնել, թե որքան ջերմ են վերաբերվում «օրինական» արտասահմանցուն «սառը» անգլիացիները, շատ հուզիչ էր։
Վանկարկումը վերցրել էին մեր ժամանակների ամենահայտնի երգերից մեկից` Սթինգի «Englishman in New York»-ից։ Եվ եթե այս երգում են «օրինական օտարի» մասին, ապա վանկարկելով «Հենրիխ Մխիթարյան, Հենրիխ Մխիթարյան, դու մեր հայն ես կիսապաշտպանությունում», հանդիսատեսը վանկարկել է, որ «դու մեզ համար օտար չես, Հենրիխ»։ Երկրպագուների նման արձագանքն, իսկապես, թանկ արժի. նրանք չեն շռայլում Սթինգի երգի տեսքով ազգային արժեքը։
