ԵՐԵՎԱՆ, 13 ապրիլի — Sputnik. Հայաստանն ընդգրկվել է աշխարհի ամենահավատացյալ պետությունների հնգյակում։ Հարցվածների 92%-ն իրեն հավատացյալ է համարում։ Այդ են վկայում Gallup International/WIN հետազոտական կենտրոնի անցկացրած հարցախույզի արդյունքները։
Ցանկի առաջին հորիզոնականում Թաիլանդն է (98%), որին հաջորդում է Նիգերիան (97%)։ Երրորդ հորիզոնականում են հայտնվել Կոսովոն, Հնդկաստանը, Գանան, Նոր Գվինեան, Կոտ դ'Իվուարը։
Այս երկրներում քաղաքացիների 94%-ն իրեն հավատացյալ է համարում։ Չորրորդ հորիզոնականում Ֆիջին է (94%)։
Հարցախույզի արդյունքները ցույց են տալիս, որ մեծ թվով հավատացյալներ են ապրում այն երկրներում, որտեղ հնդուիզմ (91%) և բուդդիզմ (88%) են դավանում։
Կաթոլիկների ու մուսուլմանների շրջանում հավատացյալների թիվը 78% է կազմում։
Աշխարհում մարդկանց 62 տոկոսն իրեն հավատացյալ է համարում, 10 տոկոսը` աթեիստ, մյուսներն` անհավատներ։
