ԵՐԵՎԱՆ, 8 ապրիլի — Sputnik. Հայաստանում ԱՄՆ նախկին դեսպան Ջոն Էվանսը ԱՄՆ —ում Հայոց ցեղասպանության 102-րդ տարելիցին նվիրված Հայկական կոմիտեի կազմակերպած միջոցառման գլխավոր հռետորը կլինի: Այդ մասին հայտնում է Courant-ը:
Կոնեկտիկուտում ապրիլի 22-ին անցկացվող միջոցառմանը կմասնակցեն եկեղեցու ներկայացուցիչներ և Կոնեկտիկուտի հայտնի դեմքերը:
«Կոմիտեն հպարտությամբ է հայտնում, որ միջացառման գլխավոր խոսնակը կդառնա Հայաստանում ԱՄՆ նախկին դեսպան, պարոն Ջոն Էվանսը: Նա դիվանագիտական հարթակում մեծ նվաճումների հասավ՝ բացառիկ արիություն ու ազնվություն ցուցաբերելով: Մեզ համար պատիվ է նրան գլխավոր խոսնակ ներկայացնելը»,- գրված է Կոնեկտիկուտ նահանգի Հայկական կոմիտեի ղեկավար Ջեք Կրիկորյանի հաղորդագրության մեջ:
Հայաստանում ԱՄՆ նախկին դեսպանը դիվանագտական աշխատանքից հետ էր կանչվել և հեռացվել պետդեպարտամենտից 2006 թվակնին՝ այն բանի համար, որ 2005 թվականի փետրվարին Կալիֆոռնիայի Բերկլի համալսարանում 1915 թվականի հայերի զանգվածային ջարդերն անվանել էր «ցեղասպանություն», ինչը հակասում է Հայոց ցեղսպանության վերաբերյալ ԱՄՆ պաշտոնական դիրքորոշմանը:
Հայաստանում Էվանսին ջերմությամբ են հիշում և «հայ ժողովրդի մեծ բարեկամ» անվանում: Նրա անունով է կոչվել Երևանի փողոցներից մեկը:
