ԵՐԵՎԱՆ, 4 ապրիլի — Sputnik. Սանկտ Պետերբուրգի «Սեննայա պլոշադ» կայարանում պայթուցիկ սարք գործածած անձը, որը ՌԴ քաղաքացիություն է ունեցել, կարող է Ղրղըզստանից եկած լինի։ Այդ մասին ՌԻԱ Նովոստի գործակալությանը հայտնել է Ղրղըզստանի հանրապետության Ազգային անվտանգության պետական կոմիտեի պաշտոնական ներկայացուցիչ Ռախատ Սուլայմանովը։
Նշվում է, որ Ղրղըզստանի հատուկ ծառայությունները ռուսական ուժային կառույցների հետ սերտ կապեր ունեն։
Երկուշաբթի ժամը 11։30-ին Սանկտ Պետերբուրգի մետրոյում պայթյուններ տեղի ունեցան, նախնական տվյալներով 11 մարդ մահացել է, մի քանի տասնյակը վիրավոր են։ Տուժածների թվում կան երեխաներ։
Սանկտ Պետերբուրգի մետրոյի կայարաններից մեկում պայթյունը որոտացել է «Տենխնոլոգիական ինստիտուտ» և «Սենայի հրապարակ» կայարանի մոտ։ Հարուցված է քրեական գործ «Ահաբեկչություն» հոդվածով, այնուամենայնիվ, հետաքննությունը դիտարկում է տեղի ունեցածի նաև այլ տարբերակներ։ Ապրիլի 4-ից Սանկտ Պետերբուրգում հայտարարվել է եռօրյա սուգ։
