ԵՐԵՎԱՆ, 2 ապրիլի — Sputnik. Լրատվական դաշտում ֆեյք ահազանգերի միտում կա: Այսօր լրագրողների հետ հանդիպմանն ասաց ՀՀԿ փոխնախագահ Արմեն Աշոտյանը: Նրա խոսքով, կեղծ ահազանգերի պատճառով լրատվական աղբ է կուտակվում, ինչի հետևանքով տուժում է իրական լրահոսը:
«Ֆեյք ահազանգերին արձագանքելու համար բավական ժամանակ է հարկավոր, ինչը բերում է ռեսուրսների անհարկի վատնելուն»,- ասաց Աշոտյանը:
Խորհրդարանական ընտրությունների ընթացքից, Աշոտյանի խոսքով, ՀՀԿ-ն գոհ է:
«Ահազանգեր մենք էլ ենք ստանում, բայց ի տարբերություն մյուսների, ըմբռնումով ենք մոտենում դրանց»,- ասաց Աշոտյանը:
ՀՀԿ փոխնախագահի խոսքով` ահազանգերը լուրջ մտահոգության տեղիք չեն տալիս, տեխնիկական խնդիրներին իրենք ըմբռնումով են մոտենում։ Եթե տեղամասերում տեղադրված տասնյակ հազարավոր սարքերից մի քանի տասնյակը չի աշխատում, դա մեծ տոկոս չի կազմում և չի կարող ստվերել ընտրությունների ընթացքը:
