ԵՐԵՎԱՆ, 31 մարտի — Sputnik. Գեղասահքի կրկնակի օլիմպիական չեմպիոն, 34-ամյան Եվգենի Պլյուշչենկոն հայտարարել է կարիերան ավարտելու մասին։ Այս մասին գրում է «СПОРТ-ЭКСПРЕСС»-ը:
Ռուս գեղասահորդը որոշել է կենտրոնանալ մարզչական գործունեության վրա:
Պլյուշչենկոն օլիմպիական կրկնակի չեմպիոն է և կրկնակի արծաթե մեդալակիր, աշխարհի եռակի չեմպիոն, Եվրոպայի յոթակի չեմպիոն, «Գրան-Պրիի» քառակի հաղթող:
Մեկ տարի առաջ, երբ պարանոցի վիրահատության ենթարկվեցի հասկացա, որ պետք է կարիերաս ավարտեմ: Նայում եմ, թե ինչպես է մեծացել երիտասարդությունը, թե որքան է աճել տղամարդկանց գեղասահքը: Հիմա անհնար է մրցել երիտասարդների հետ. ինձ այդպես է թվում: 15 վիրահատության եմ ենթարկվել, 5-րդ Օլիմպիադային մասնակցելը դժվար կլիներ»,- ասել է Պլյուշչենկոն:
Պլյուշչենկոն հայտնել է, որ իր ակադեմիան կբացի, որտեղ կաշխատի որպես մարզիչ:
