ԵՐԵՎԱՆ, 31 մարտի — Sputnik. ԱԺ ընտրություններին մասնակցելը մեծ պատիվ է ինձ համար. այսօր լրագրողների հետ հանդիպման ժամանակ ասաց Սերժ Թանկյանը։
«Ընտրություններին մասնակցելու ցանկությունն առաջացավ մասնավորապես այն ժամանակ, երբ մի խումբ երիտասարդներ որոշեցին միավորվել և 2017 թվականի ընտրությունների դիտորդներ դառնալ»,- ասաց նա։
Նրա խոսքով` այդ քայլն ավելի կարևորվեց հատկապես ՊՊԾ գնդի գրավումից հետո։
«Դիտորդի կարգավիճակում ընտրություններին մասնակցելու նպատակը անարդարությունն ու անտարբերությունն արմատախիլ անելն է»,- ասաց նա։
Թանկյանի կարծիքով` դիտորդական առաքելությունը սփյուռքահայության մասնակցության փոքր մասնաբաժինը կլինի Հայաստանի ներքաղաքական կյանքում։
«Ամեն դեպքում դա շատ կարևոր է։ Եվ շնորհակալություն այն կամավորականներին, որոնք որոշեցին ներգրավվել դիտարկման գործընթացին։ Մենք ուզում ենք ձեր թիկունքին կանգնած լինել»,- նշեց Թանկյանը։
