ԵՐԵՎԱՆ, 31 մարտի — Sputnik. Ամերիկահայ երաժիշտ, «System of A Down» խմբի հիմնադիր և մեներգիչ Սերժ Թանկյանը և կանադահայ հայտնի կինոռեժիսոր Ատոմ Էգոյանը Հայաստանում կայանալիք խորհրդարանական ընտրություններին կմասնակցեն դիտորդի կարգավիճակում. նրանք արդեն ստացել են դիտորդի անցագրերը։ Այս մասին «Ֆեյսբուք» սոցիալական ցանում հայտնել է ռեժիսոր ի կինը` դերասանուհի Արսինե Խանջյանը։
«Այսօր «Արդարություն Հայաստանում» նախաձեռնության անդամներով մասնակցեցինք Քաղաքացի դիտորդ/Citizen Observer-ի վերապատրաստման դասընթացին. Այսուհետև ունենք դիտորդի մեր անցագրերը»,- ֆեյսբուքյան իր էջում գրել է Խանջյանը։
ՀՀ ԱԺ ընտրությունները կկայանան ապրիլի 2-ին։
Նշենք, որ «Արդարություն Հայաստանում» նախաձեռնությունը մեկնարկել էր 2016 թվականի սեպտեմբերին։ «Արդարություն Հայաստանում» վերնագրով ստորագրահավաքն անցկացվում էր change.org կայքում, ակցիայի նախաձեռնողները կոչ էին անում Հայաստանի իշխանություններին փոփոխություններ ձեռնարկել արդարադատության և մարդու իրավունքների ոլորտներում:
