ԵՐԵՎԱՆ, 30 մարտի — Sputnik. Ռուսաստանի Դաշնության արտգործնախարարությունն ապրիլյան քառօրյա պատերազմի տարելիցի հետ կապված հանդես կգա հայտարարությամբ։ Այս մասին Մոսկվայում լրագրողներին ասել է ՌԴ ԱԳՆ պաշտոնական ներկայացուցիչ Մարիա Զախարովան։
«Ես կներկայացնեմ մեր ընդարձակ դիրքորոշումը Լեռնային Ղարաբաղի հակամարտության կարգավորման գործընթացի գնահատականի վերաբերյալ, որպեսզի այժմ չսահմանափակվեմ երկու-երեք ընդհանուր խոսքով: Այդ թեմայի վերաբերյալ կպատրաստենք ընդգրկուն նյութ՝ գնահատականներով, որը կներկայացնենք կա՛մ ՌԴ ԱԳՆ կայքում, կա՛մ հաջորդ ճեպազրույցի ընթացքում»,- ասել է Մարիա Զախարովան՝ պատասխանելով նախորդ տարվա ապրիլյան դեպքերի տարելիցի և այս մեկ տարվա ընթացքում կարգավորման ընթացքի վերաբերյալ ՌԴ ԱԳՆ գնահատականի մասին հարցին:
Ավել վաղ, ԵԱՀԿ Մինսկի խմբի ամերիկացի համանախագահ Ռիչարդ Հոգլանդը Երևանում հայտարարել էր, ԼՂՀ խնդրի կարգավորման համար հնարավոր է Հայաստանի և Ադրբեջանի ԱԳ նախարարների հանդիպում Մոսկվայում։
