ԵՐԵՎԱՆ, 20 մարտի — Sputnik. «Ծնվել եմ, ուրեմն երջանիկ եմ», — Ալբերտ Էյնշտեյն։ Լեգենդար ֆիզիկոսի այս արտահայտությունը կարող է հրաշալի նշանաբան դառնալ յուրաքանչյուր մարդու կյանքի համար։
Երջանկության միջազգային օրը (International Day of Happiness) նշում են մարտի 20-ին։ Այս տոնը սահմանվել է մի քանի տարի առաջ, ՄԱԿ-ի Գլխավոր Ասամբլեայի կողմից։ Հետևաբար, պետք է մի կողմ թողնել տխրություն առաջացնող բոլոր խնդիրները և, պարզապես, երջանիկ լինել, գոնե` այսօր։ Երջանկության միջազգային օր սահմանելու նախաձեռնությունը պատկանում է Բութանին։
Իսկ ի՞նչ է երջանկությունը։
Ոչ ոք հստակ չգիտի`ինչ է երջանկությունը, յուրաքանչյուր մարդ այն ընկալում է յուրովի։ Ոմանց համար կարևոր է առողջությունն ու հոգևոր կատարելագործումը, մյուսների համար`բարեկեցությունն ու անկախությունը, իսկ ոմանք էլ` անձնական կյանք են կառուցում։
Ոմանք ձգտում են հաջողակ կարիերա ստեղծել, առաջին հերթին` քաղաքական, քանի որ կարծում են, որ իշխանություն ունենալը, ուրիշներին կառավարելը, միշտ ուշադրության կենտրոնում լինելն ու հիացմունքի և խրախուսանքի խոսքեր լսելն իրական երջանկություն է։
Ոմանց համար էլ երջանկությունը փոքր ուրախությունների` առավոտյան արև տեսնելու և նրա ճառագայթներից ջերմանալու, պարզապես քունն առնելու, սիրելի երաժշտություն լսելու կամ սիրահարվելու մեջ է։
Իմաստունները, երկար ուսումնասիրելով տարբեր մեկնաբանություններ, եկան այն եզրահանգման, որ բոլոր պահանջների բավարարումը միայն երջանիկ կյանքի իմիտացիա են և չեն կարող իրական երջանկություն պարգևել։ Նրանք կարծում են, որ երջանկության միակ հավանական ձևն ինքդ քեզ հետ խաղաղ լինելն է, քանի որ երջանկությունը ներքին հանգստությունն է։ Երջանկություն է, երբ վախի և հոգսերի փոխարեն մարդու կյանքը լցված է յուրաքանչյուր ապրած վայրկյանի կարևոր լինելու, շրջակա աշխարհի գեղեցկության գիտակցմամբ, որոնք արտացոլվում են նրա հոգում։
2013 թվականից ՄԱԿ-ը տոնում է Երջանկության միջազգային օրը, որպեսզի ամբողջ աշխարհում ընկալվի մարդկանց երջանկության կարևորությունը։
Տոնը ՄԱԿ-ի Գլխավոր Ասամբլեան սահմանել էր 2012 թվականին, Բութան քաղաքի նախաձեռնությամբ, որի քաղաքացիների ազգային բարեկեցությունը չափվում է ազգային երջանկության համախառն գործակցով։
Մարտի 20-ը պատահական չի ընտրված։ Այն գարնանային գիշերահավասարի օրն է, երբ օրն ու գիշերը գրեթե հավասար են։ Նոր տոնի սահմանողները դրանով ընդգծել են, որ մոլորակի բոլոր մարդիկ հավասար իրավունքներ ունեն` երջանիկ լինելու համար։
