ԵՐԵՎԱՆ, 15 մարտի — Sputnik. Հայաստանի նախագահ Սերժ Սարգսյանը ծանոթացել է երիտասարդ գիտնականների հաջողություններին, ինչպես նաև մասնակցել դրամաշնորհների հանձնման արարողությանը` «Լույս» հիմնադրամի «Ստարտ Արմենիա» ծրագրի շրջանակում։
Սարգսյանին հետաքրքրել է, թե որքանով է արդյունավետ երիտասարդ գիտնականներին ցուցաբերած աջակցությունը և նշել, որ կշարունակեն խթանել Հայաստանում գիտության զարգացումը։ Նախագահը նշել է հետազոտությունների խթանման կարևորությունը, որոնք կարող են օգտագործվել հանուն հայրենիքի բարօրության` գիտության զարգացման և կիրառման ճանապարհով։
Ինչպես լրագրողներին ասաց ԳԱԱ Երիտասարդ գիտնականների խորհրդի նախագահ, Երիտասարդ գիտնականների աջակցության ծրագրի ղեկավար մարմնի անդամ Գևորգ Վարդանյանը, աջակցություն ստանալ ցանկացող երիտասարդ գիտնականների կողմից դիմումները քանակը տարեցտարի աճում է։ Մեկ դրամաշնորհին միջինը բաժին է ընկնում երեք դիմում։
Նրա խոսքով` վերջին տարիներին հայ գիտնականների գիտական հրապարակումներն ավելի շատ են սկսել հայտնվել հեղինակավոր հրատարակություններում (Thomson Reuters Journal Citation Reports-ի համաձայն)։
«Ցանկանում եմ առանձնացնել այնպիսի ոլորտներ, ինչպիսիք են ֆիզիկան, կենսաբանությունը, վերջին տարիներին դրական դինամիկա է նկատվում նաև հումանիտար գիտություններում», — ասաց Վարդանյանը։ Ի դեպ, որ ծրագիրը գործում է արդեն հինգ տարի։
ԵՊՀ կենսաբանության ամբիոնի գիտաշխատող, երիտասարդ գիտնականների աջակցության նախագծի ղեկավար Սարգիս Աղայանը ծրագրի առավել կարևոր ձեռքբերումներից է համարում գիտական հրապարակումների քանակի ավելացումը, իսկ գլխավորը` միջազգային հեղինակավոր հրատարակություններում գիտական հոդվածների որակը։
«Անցած տարի նախաձեռնեցինք համահայկական գիտական համաժողով» նախագիծը, որը տեղի ունեցավ սեպտեմբերի 21-23-ը։ Հայ ազգի մեծանուն գիտնականներ` աշխարհի տարբեր ծայրերից` սկսած Ճապոնիայից, վերջացրած ԱՄԲ-ով, հավաքվեցին Հայաստանում։ Նպատակն էր կապեր հաստատել հայաստանյան գիտնականների և արտասահմանում աշխատող հայ պրոֆեսորների միջև»,- ասաց Աղայանը։
Նրա խոսքով` արդեն ձեռք են բերվել որոշակի համաձայնագրեր տարբեր համաշխարհային գիտական ինստիտուտների հետ համատեղ ծրագրերի, ինչպես նաև Հայաստանին գիտական տեխնիկա տրամադրելու մասին։
Ավելի ուշ, «Ստարտ Արմենիա» մրցույթի շրջանակում, Սերժ Սարգսյանը մասնակցել է դրամաշնորհների հանձնման արարողությանը։
«Ստարտ Արմենիա» դրամաշնորհների մրցույթում առաջին հաղթողներն են Armenian Code Academy-ն (Ծրագրավորման հայկական ակադեմիան), տեղեկատվական տեխնոլոգիաների և ծրագրավորման գործնական ուսուցման կենտրոնը։
Դրամաշնորհի երկրորդ հաղթողը «Ալավերդի Հաբն» է` Լոռու մարզում «Գիտության թանգարան» հիմնելու գաղափարի համար։ Այն պետք է խթանի մարզում տնտեսության և զբոսաշրջության զարգացումը` ստեղծելով նորարարական ենթակառուցվածք։
