ԵՐԵՎԱՆ, 11 սեպտեմբերի– Sputnik. Հայազգի գիտնական Վոն Թուրեկյանը (Vaughan Turekian) ԱՄՆ պետքարտուղարի գիտության և տեխնոլոգիաների հարցերով խորհրդական է նշանակվել, հաղորդում է Asbarez.com-ը։
Թուրեկյանը կզբաղվի շրջակա միջավայրի, գիտության, տեխնոլոգիաների և առողջապահության հարցերով, որոնք ազդում են ԱՄՆ-ի արտաքին քաղաքականության վրա:
ԱՄՆ պետդեպարտամենտի մամուլի հաղորդագրությունում նշվում է, որ Թուրեկյանը կնպաստի գիտության, տեխնոլոգիաների զարգացմանը` որպես ամերիկյան դիվանագիտության անբաժանելի մաս։
Մինչ այս պաշտոնում նշանակվելը Վոն Թուրեկյանը եղել է Գիտության զարգացման ամերիկյան ասոցիացիայի (AAAS) միջազգային գծով տնօրենը:
Գիտնականը Հայոց ցեղասպանությունը վերապրածի թոռ է: Նրա հայրը Յեյլի համալսարանի անվանի քիմիկոս Կառլ Թուրեկյանն է: 2000թ. Վոն Թուրեկյանը դասախոսել է Հայաստանի Ամերիկյան համալսարանում:
Հայազգի գիտնականը ԱՄՆ պետքարտուղարի խորհրդական է նշանակվել
12:21 11.09.2015 (Թարմացված է: 12:28 11.09.2015)
© Тwas.org
Բաժանորդագրվել
2000թ.–ին Վոն Թուրեկյանը դասախոսել է Հայաստանի Ամերիկյան համալսարանում
