ԵՐԵՎԱՆ, 11 մարտի — Sputnik. Ապրիլի 2-ին կայանալիք խորհրդարանական ընտրություններին մասնակցող կուսակցություններից և դաշինքներից հինգ թեկնածուներ հանել են իրենց թեկնածությունը: Շաբաթ օրը նրանց որոշմանն աջակցել է Հայաստանի ԿԸՀ-ը:
ԿԸՀ-ը հավանություն է տվել Ռուզաննա Տոնոյանի դիմումին «Ելք» դաշինքից, Ռուզաննա Գասպարյանի և Նինել Հարությունի դիմումներին «ՀԱԿ-ՀԺԿ» դաշինքից, ինչպես նաև Վարդան Բաղդասարյանի (Կոմկուս) և Հայկ Սարգսյանի («Հայկական վերածնունդ») դիմումներին՝ իրենց թեկնածությունը հանելու մասին:
Խորհրդարանական ընտրությունների քարոզարշավը Հայաստանում մեկնարկեց մարտի 5-ին և կտևի մինչև մարտի 31-ը։ Ընտրություններին մասնակցում է 9 քաղաքական ուժ` 5 կուսակցություն և 4 դաշինք։ Հայաստանի ԿԸՀ-ն 2017 թվականի հունվարի 9-ին հաստատել է ԱԺ ընտրություններին նախապատրաստվող հիմնական միջոցառումների գրաֆիկը։
Քվեարկությունը կսկսվի ապրիլի 2-ին տեղի ժամանակով ժամը 08:00 և կավարտվի 20:00-ին։ Քվեարկության նախնական արդյունքները կամփոփվեն և կհրապարակվեն ապրիլի 3-ին մինչև 20:00։ Սա առաջին համապետական ընտրությունն է 2015 թվականի դեկտեմբերի 6-ի սահմանադրական հանրաքվեից հետո. Հայաստանը կանցնի կառավարման խորհրդարանական մոդելին։
