ԵՐԵՎԱՆ, 11 մարտի — Sputnik. Հայաստանի կենտրոնական ընտրական հանձնաժողովը մերժել է լրագրողների «Ասպարեզ» ակումբի խնդրանքը «Ասպարեզ» թերթի և համանուն կայքի 1000 լրագրողներին հավատարմագրելու մասին:
«2017թ-ի մարտի 9-ին «Ասպարեզ» օրաթերթի և «Ասպարեզ» լրագրողների ակումբի asparez.am կայքի լրագրողների հավատարմագրման մասին դիմում է ստացվել», — ասաց ԿԸՀ նախագահ Տիգրան Մուկուչյանը: Խնդրել են հավատարմագրել 1000 լրագրողի՝ ապրիլի 2-ի խորհրդարանական ընտրություններին մասնակցելու համար:
Հայաստանի ԸՕ 31 հոդվածի 8-րդ մասի համաձայն՝ մեկ ԶԼՄ-ի հավատարմագրված լրագրողների առավելագույն թիվը չի կարող գերազանցել 50-ը: Յուրաքանչյուր կազմակերպություն կարող է հավատարմագրել միայն մեկ լրատվական գործակալություն:
«Մենք մերժել ենք «Ասպարեզ» ակումբի խնդրանքը, քանի որ նրանց պահանջը կոռեկտ չէ և խախտում է երկրի Ընտրական օրենսգիրքը», — ասաց Մուկուչյանը Sputnik Արմենիայի թղթակցին: Ակումբը կարող է բողոքարկել ԿԸՀ որոշումը երեք օրվա ընթացքում՝ բողոքարկում ներկայացնելով Հայաստանի Վերահսկիչ պալատ:
Ընտրական գործընթացը լուսաբանելու համար Հայաստանի ԿԸՀ-ն հավատարմագրել է 24 տեղական ԶԼՄ-ների Հավատարմագրված լրագրողների թիվը 351 է:
