ԵՐԵՎԱՆ, 6 մարտի — Sputnik. Եթե Ռուսաստանը զսպող գործոն չլիներ, ապա ղարաբաղյան հակամարտության շուրջ իրավիճակը բոլորովին այլ կլիներ, Sputnik Արմենիա մամուլի կենտրոնում կայացած ասուլիսի ընթացքում ասաց հայտնի հաղորդավար Վլադիմիր Սոլովյովը։
«Միշտ ուզում ես հարցնել` ինչո՞ւ է Լեռնային Ղարաբաղում հակամարտություն ծագել։ Մյուս կողմից կարելի է տեսնել նաև, որ բոլոր ջանքերը գործադրվել են, որպեսզի այդ հակամարտությունը ոչ միայն դադարի, այլ նաև Հայաստանի պաշտպանունակության մակարդակը հասնի աննախադեպ մակարդակի», — ասաց Սոլովյովը։
Նրա խոսքով` չի կարելի միակողմանի դիտարկել հարաբերությունների այդ բարդ համակարգը, հատկապես մի դարաշրջանում, երբ պայքար է ընթանում ազդեցությունը մեծացնելու համար։
Ըստ Սոլովյովի` Ռուսաստանը բաց է թողել Հայաստանի հետ մշակութային կապերի և հարաբերությունների այն մակարդակը, որը եղել է խորհրդային տարիներին։
Նրա կարծիքով` հայերն իրենց ազգային ինքնությունը պահպանում են նախևառաջ լեզվի շնորհիվ։
Սոլովյովի կարծիքով` չի կարելի մոռանալ Ռուսաստանի հետ հարաբերությունների մասին և տրվել հակառուսական տրամադրություններին, որոնք պարբերաբար բռնկվում են հայ հասարակության շրջանում։
