ԵՐԵՎԱՆ, 6 մարտի — Sputnik. Վլադիմիր Սոլովյովն անձամբ ծանոթ է Հայաստանի վարչապետ Կարեն Կարապետյանի հետ և շատ լավ գիտի նրա պրոֆեսիոնալիզմի ու ազնվության մասին։ Հայտնի լրագրողը վարչապետի հետ ընկերության մասին խոսեց մարտի 6-ին Sputnik Արմենիայի մուլտիմեդիոն կենտրոնում։
«Ես անձամբ ճանաչում եմ Կարենին, մենք երկար տարիներ ընկերություն ենք անում։ Ուստի ես կարող եմ գնահատել իմ ընկերոջը, բայց ոչ ես չեմ կարող գնահատել նրա գործունեությունը վարչապետի պաշտոնում», — ասաց Սոլովյովը։
Նա նշեց, որ չի կարող դատողություններ անել վարչապետի գործունեության մասին մի քանի ամսվա աշխատանքի հիման վրա, առավել ևս այն շրջանում, երբ Հայաստանում երեկ մեկնարկել է նախընտրական քարոզարշավը։
Կարեն Կարապետյանը, Սոլովյովի բնութագրմամբ, բարձրակարգ պրոֆեսիոնալ է և կարգին մարդ։ Միաժամանակ նա ընդգծեց, որ չի չարաշահում վարչապետի հետ ընկերությունը, դրա վկայությունն էլ այն է, որ որևէ բիզնես չունի Հայաստանում։
«Ես չեմ օգտվում իմ ծառայողական դիրքից, ես աֆիլացված (փոխկապակցված) ֆիրմաներ չունեմ», — ասաց Սոլովյովը։
