ԵՐԵՎԱՆ, 6 մարտի — Sputnik. Ռուսաստանն աշխարհում երկրորդն է զենքի մատակարարման առումով, ՌԴ-ն զենք է մատակարարում շուկա, միջազգային սալոններ, որտեղից էլ Ադրբեջանը, ինչպես նաև շատ այլ երկրներ, գնում են այդ զենքը։
«Քաղաքական համատեքստ պետք չէ փնտրել։ Այդ առևտուրը պահպանում է Ադրբեջանի և Ռուսաստանի հարաբերությունները։ Գործարար հարաբերություններ ունենալն ավելի լավ է, քան դրանց բացակայությունը։ Այսպիսով Ռուսաստանը, Ադրբեջանի հետ հարաբերություններ պահպանելով, շատ հարցերում կառավարում է նրան»,- ասաց Կիսելյովը։
Նրա կարծիքով` շփումը կամ կառավարումը փոխադարձ է, այդպիսով Ադրբեջանն էլ իննչ-որ առումով կառավրում է Ռուսաստանին, ինչպես նաև Հայաստանը Ռուսաստանին։ Կիսելյովի խոսքով` պետք չէ մոռանալ, որ Հայաստանը նույնպես զենք է ստանում Ռուսաստանից, և այդ զենքը ոչ միշտ է կայուն գումարի դիմաց ստանում։
«Ռուսաստանը կայուն գումար է ստանում Ադրբեջանից, զարգացնում իր ռազմարդյունաբերական համալիրն ու զենք ուղարկում Հայաստան։ Չեմ ուզում ասել, որ Ադրբեջանը Հայաստանի համար զենք է գնում Ռուսաստանի միջոցով, սակայն, ըստ էության, եթե սխեման ավելի պարզեցնենք, նման տարր կա»,- ասաց Կիսելյովը։
Ըստ նրա` Ռուսաստանը ստիպված է պահպանել հավասարակշռությունն այս տարածաշրջանում, և չի կարելի մոռանալ, որ զենքն ինքն իրեն չի կրակում, այլ կրակում են մարդիկ։
Կիսելյովի խոսքով` Հայաստանի անվտանգությունը տարածաշրջանային կոնստրուկցիայի արդյունք է` հարաբերություններ, որոնք Ռուսաստանը կառուցում է Ադրբեջանի, Թուրքիայի, Հայաստանի, Ադրբեջանի և այլ երկրների հետ։
