ԵՐԵՎԱՆ, 27 փետրվարի — Sputnik. Ապրիլի 2-ին կայանալիք խորհրդարանական ընտրությունները բացառում են իշխանությունների կողմից զինվորների վրա ճնշում գործադրելու հավանականությունը, լրագրողներին ասաց ԱԺ խոսնակ Գալուստ Սահակյանը։
«Մի կողմ թողնենք այն ամենն, ինչ է եղել առաջ, և ինչպես էին նախկինում ներկայացնում զինվորների ընտրությունները։ Ինչ-որ բան ճիշտ էր, ինչ-ոչ բան` ոչ։ Այս նախընտրական պայքարի ընթացքում, բնականաբար, նման հարց որոշվել չի կարող, քանի որ ընտրական համակարգն այնպիսին է, որ նման հնարավորություն չի տալիս», — ասաց Սահակյանը։ Նրա խոսքով` նոր համակարգը թույլ չի տալիս իշխանություններին ազդել զինվորների ընտրության վրա։
Խոսնակը նշեց, որ որևէ խախտում ընտրատարածքում իրականացնելն անհնար է, նույնիսկ եթե զինվորների վրա ազդելու փորձեր արվեն։
Վերջին ժամանակներում հայկական մամուլը ակտիվորեն քննարկում է սպասվող ընտրություններին զինվորների վրա ճնշում գործադրելու հարցը։ Ընդդիմությունը պնդում է, որ այդ ընտրազանգվածը ամենաչպաշտպանվածն է` ազատ ընտրության առումով։ Իշխանություններն, իրենց հերթին, հայտնում են, որ առաջիկա ընտրություններին զինվորներին ոչ ոք չի ուղղորդելու։
