ԵՐԵՎԱՆ, 26 փետրվարի — Sputnik. Հայ բռնցքամարտիկ 64 կգ քաշային Հովհաննես Բաչկովը դարձել է Սոֆիայում ընթացող Ստրանջայի միջազգային մրցաշարի հաղթող: Մասնակցելով մրցաշարին 1/6 եզրափակչից՝ Բաչկովը սկզբում հաղթել է մարզիկ Պան Ունգ Մինոմային, այնուհետև՝ Ուկրաինայի ներկայացուցիչ Մհեր Հովհաննիսյանին:
Կիսաեզրափակչում Բաչկովը պարտության է մատնել ռուս բռնցքամարտիկ Գրիգորի Լուզնենկոյին: Իսկ այսօր եզրափակչում Հովհաննես Բաչկովը հաղթել է Բուլղարիան ներկայացնող Այրին Իսմեթովին և նվաճել ոսկե մեդալ:
Հիշեցնենք, որ Հայաստանի հավաքականն այս մրցումներում ներկայացել էր 9 բռնցքամարտիկներով, բայց միայն Բաչկովին է հաջողվել մեդալ նվաճել:
