ԵՐԵՎԱՆ, 26 փետրվարի — Sputnik. Փետրվարի 25-ին, ժամը 03:00-ի և 04:00-ի սահմաններում, շփման գծի միանգամից երկու` հարավարևելյան (Մարտունի) և արևելյան (Ակնա) ուղղություններով հակառակորդը, օգտագործելով ականազերծման համապատասխան տեխնիկա և հատուկ միջոցներ, ձեռնարկել է հարձակման փորձ: Արցախի բանակի առաջապահ ուժերի պատասխան գործողությունների արդյունքում հակառակորդը տվել է զոհեր և վիրավորներ:
Մի քանի դիակ գտնվում է չեզոք գոտում: Հայկական կողմը զոհեր ու վիրավորներ չունի:
«Համանախագահները կոչ են անում կողմերին՝ հեռացնել ծանր ռազմական տեխնիկան, որն ավելի վաղ տեղափոխվել էր շփման գծին մոտ և ապահովել մահացածների մարմինների տարհանումը, ինչպես դա երեկ համաձայնեցվել է ԵԱՀԿ գործող նախագահի անձնական ներկայացուցչի միջնորդությամբ», — ասվում է հայտարարությունում:
Համանախագահները կոչ են անում կողմերին կատարել իրենց պարտավորությունները և զերծ մնալ ուժի կիրառումից։
