ԵՐԵՎԱՆ, 21 փետրվարի — Sputnik. Անգլիական «Մանչեսթեր Յունայթեդի» հայ կիսապաշտպան Հենրիխ Մխիթարյանի տրանսֆերային արժեքը չի փոխվել,- հաղորդում է transfermarkt-ը:
28-ամյա ֆուտբոլիստի տրանսֆերային արժեքը կազմում է 31.45 մլն ֆունտ ստեռլինգ:
Անգլիայի ընթացիկ առաջնությունում անցկացրած 15 խաղում Հենրիխը խփել է երեք գոլ և կատարել մեկ արդյունավետ փոխանցում:
Հեղինակավոր Goal.com պարբերականի փորձագետ Թոմ Մեստոնը նշել է, որ Մխիթարյանը լավագույն բիզնես գործարքն է Ալեքս Ֆերգյուսոնի հեռանալուց հետո: Մարդկանցից շատերը կմատնանշեն Իբրահիմովիչի անվճար տեղափոխությունը, սակայն շվեդը թիմում է մնալու առավելագույնը 2-3 տարի, իսկ Մխիթարյանը` երկու անգամ ավելի: Իհարկե, Պոգբան ավելի շատ ժամանակ ունի, քան Մխիթարյանը, սակայն մոտ երեք անգամ նրա տրանսֆերային արժեքն ավելի մեծ է: Ֆրանսիացին պետք է երկար ճանապարհ անցնի այդ գումարները վերադարձնելու համար:
«Միկիի համար, սակայն, նրա ժամանակը ներկան է, և նա Մոուրինյուի թիմի երեք կարևորագույն ֆուտբոլիստներից մեկն է։ Երեք ամիս առաջ ոչ ոք չէր հավատա դրան, բայց 26 միլիոն ֆունտ արժեցած ֆուտբոլիստն արդեն գտել է այն եղանակը, որով վարձահատույց է լինում իր համար վճարած ոչ այնքան մեծ գումարի համար»,- գրում Թոմ Մեստոնը: