ԵՐԵՎԱՆ, 11 փետրվարի — Sputnik. Հայաստանի ֆուտբոլի հավաքականի ավագ և «Մանչեսթեր Յունայթեդ» անգլիական ակումբի կիսապաշտպան Հենրիխ Մխիթարյանի մասին հետաքրքիր է անդրադարձ է կատարել Բրիտանական BBC հեղինակավոր պարբերականը:
«Այն տարիներին Հայաստանում ապրելը շատ դժվար էր, քանի որ մենք շատ խնդիրներ ունեինք մեր հարևան երկրների հետ: Մեր հայրենիքը պատերազմի մեջ էր, ինչի հետևանքով շատ վատ պայմաններ էին ստեղծվել երկրում», —Մխիթարյանի խոսքն է մեջբերել պարբերականը:
BBC-ին հիշատակել է նաև Հենրիխի հորը` հայտնի ֆուտբոլիստ Համլետ Մխիթարյանին: Նա Խորհրդային Միության սահմաններից դուրս հանդես եկող և Հայաստանը ներկայացնող առաջին ֆուտբոլիստներից էր: Համլետ Մխիթարյանը հեռացավ այս կյանքից, երբ Հենրիխը դեռ 7 տարեկան էր: Նրա մահվան պատճառ դարձավ գլխուղեղի չարորակ գոյացությունը:
Հենրիխը լավ է հիշում հորն ու նշում, որ հենց հայրն է եղել սպորտում իրեն ոգեշնչողը: «Նա ինձ առաջ մղող ուժն էր, իմ նպատակը, իմ երազանքը: Երբ նա մահացավ, ես գիտեի, որ նա նայում է ինձ երկնքից», — ասել է Մխիթարյանը:
Անդրադառնալով իր կարիերայի վերելքին` Մխիթարյանը նշել է, որ շնորհակալ է Դորտմունդի «Բորուսիայի» իր մարզիչ Յուրգեն Կլոպին, որի խորհուրդները շատ է օգնել իրեն կայանալ որպես ֆուտբոլիստ:
Ինչպես ներկայացրել է BBC-ն,Մխիթարյանն այժմ աշխարհի ամենահայտնի հայերից մեկն է և առաջինն, ով գոլ է խփել Անգլիայի Պրեմիեր լիգայում: Նա տիրապետում է 6 լեզուների, Անգլիա է տեղափոխվել 2015-ի հոկտեմբերին:
