ԵՐԵՎԱՆ, 20 փետրվարի — Sputnik. Հանրաքվեի տարածքային հանձնաժողովներից ստացված տվյալների համաձայն` ժամը 17:00-ի դրությամբ Արցախի Հանրապետության Սահմանադրության նախագծի հանրաքվեին մասնակցել է 65 հազար 439 քաղաքացի, որը կազմում է ընդհանուր թվի 63,68 տոկոսը: Այս մասին քիչ առաջ տեղի ունեցած մամլո ասուլիսի ժամանակ ասել է ԼՂՀ կենտրոնական ընտրական հանձնաժողովի քարտուղար Սերգեյ Մելքումյանը, գրում է «Արցախպրես»-ը:
Ժամը 14:00-ի դրությամբ Արցախի Հանրապետության Սահմանադրության նախագծի հանրաքվեին մասնակցել է 48 հազար 115 քաղաքացի, որը կազմում է ընդհանուր թվի 46,82 տոկոսը:
Հիշեցնենք, որ փետրվարի 20-ին Արցախում ընթանում է սահմանադրական հանրաքվե: Հանրաքվեն անցկացնելու համար ստեղծվել է 12 ընտրատարածք և 280 ընտրական տեղամասերում: Մասնակցելու իրավունք ունի 102 757 քաղաքացի:
