ԵՐԵՎԱՆ, 19 փետրվարի — Sputnik. Հարություն Մերդինյանը մարզումներ է անցկացնում Ալբերտ Ազարյանի անվան մանկապատենական մարզադպրոցում: Հայաստանի ազգային օլիմիական կոմիտեի մամուլի ծառայությանը նա հայտնել է, որ կցանկանար մասնակցել Տոկիո-2020 Օլիմպիական խաղերին
«Ինձ լավ եմ զգում: Հավաքականի հետ պատրաստվում ենք Քաթարի մայրաքաղաք Դոհայում կայանալիք աշխարհի գավաթին»,- ասել է Մերդինյանը:
Առջևում ինչպես միշտ ուսումնամարզական հավաքներն են և միջազգային մրցաշարերը: Ապրիլին Եվրոպայի առաջնությունն է, աշնանը` աշխարհի:
«Եթե առողջությունս ու մարզավիճակս թույլ տան, շատ կցանկանայի մասնակցել 2020 թվականի Տոկիոյի Օլիմպիական խաղերին: Հուսով եմ՝ Ռիոն իմ վերջին հնարավորությունը չէր »,- ընդգծել է մարզիկը:
Ռիոյի Օլիմպիական խաղերի սպորտային մարմնամարզության մրցաշարում Հայաստանի ներկայացուցիչ Հարություն Մերդինյանը հանդես եկավ նժույգի վարժության եզրափակիչում և ցույց տվեց 14.933 արդյունք, որը թույլ տվեց գրավել միայն 7-րդ տեղը:
