ԵՐԵՎԱՆ, 17 փետրվարի — Sputnik. ԵԱՀԿ Մինսկի խմբի համանախագահների հրավերով Մյունխենում կայացել է Հայաստանի և Ադրբեջանի արտգործնախարարները Էդվարդ Նալբանդյանի և Էլմար Մամեդյարովի համատեղ ընթրիքը։ Այս մասին հայտնում է ՌԻԱ Նովոստին։
Նալբանդյանը Գերմանիա է մեկնել Մյունխենի անվտանգության համաժողովին մասնակցելու նպատակով։
Ինչպես հայտնում է ՀՀ արտգործնախարարության մամուլի ծառայությունը, Նալբանդյանը Մյունխենում հանդիպել է ԵԱՀԿ Մինսկի խմբի համանախագահներ Իգոր Պոպովի, Ստեֆան Վիսկոնտիի և Ռիչարդ Հոգլանդի, ինչպես նաև ԵԱՀԿ գործող նախագահի անձնական ներկայացուցիչ, դեսպան Անջեյ Կասպրչիկի հետ։
Հայաստանի արտգործնախարար Էդվարդ Նալբանդյանի և Ադրբեջանի արտգործնախարար Էլմար Մամեդյարովի հանդիպման ժամանակ քննարկվել են հետագա հանդիպումների, ինչպես նաև համանախագահների` տարածաշրջան այցելության հետ կապված հարցեր։
