ԵՐԵՎԱՆ, 15 փետրվարի — Sputnik. Շվեդիայի մայրաքաղաքում գտնվող Թուրքիայի դեսպանատան ուղղությամբ սպիտակ ներկած շշեր են նետվել, հայտնում է Անադոլու գործակալությունը` հղում անելով դիվանագիտական առաքելությանը։
Միջադեպը տեղի է ունեցել փետրվարի 15-ի վաղ առավոտյան։
Երկու անհայտ դիմակավոր անձ ներկով լցված շշերը կոտրել են դիվանագիտական առաքելության շենքի պատին։ Ոստիկանությունն ուսումնասիրում է նկարահանող սարքերի տեսաձայնագրությունները։
Երեք ամիս առաջ Քրդստանի աշխատավոր կուսակցության ութ կողմնակիցներ Սթոքհոլմում գտնվող Թուրքիայի դեսպանատան վրա քարեր և ներկերով շշեր են նետել։ Քարոզչության նպատակով համացանցում տարածված տեսանյութերը հեռացվել էին այն բանից հետո, երբ ոստիկանությունը սկսեց դեսպանատան վրա հարձակման փաստով իր հետաքննությունը։
