ԵՐԵՎԱՆ, 15 փետրվարի — Sputnik. Ռուս Եկեղեցու կողմից բարձրաստիճան եկեղեցականի նշանակումը յուրահատուկ վկայություն է առկա ջերմ բարեկամության, հայտնել է Ամենայն հայոց կաթողիկոսը։ Այդ մասին տեղեկանում ենք Մայր Աթոռ Սուրբ Էջմիածնի մամուլի կենտրոնից։
Ամենայն հայոց հայրապետը վստահություն հայտնեց, որ այդ քայլը ավելի կնպաստի Հայաստանյայց առաքելական և Ռուս ուղղափառ եկեղեցիների միջև առկա սերտ կապերի և գործակցության զորացմանն ու ամրապնդմանը:
Իր հերթին Լեոնիդ եպիսկոպոսը երախտիքի խոսք հայտնեց Ամենայն հայոց կաթողիկոսին՝ ջերմ ընդունելության համար, ներկայացրեց Հայաստան և Մայր Աթոռ կատարած իր առաջին այցի տպավորությունները:
Լեոնիդ Սրբազանը ևս կարևորեց գործակցությունը երկու եկեղեցիների ու ժողովուրդների միջև՝ վստահեցնելով, որ իր ծառայությամբ նպաստելու է փոխահարաբերությունների զարգացմանը:
