ԵՐԵՎԱՆ, 14 փետրվարի — Sputnik. Ռուս գործարարները միջոցներ են ներդրել հայ դիզայներների կողմից հիմնած տեքստիլի արտադրության մեջ։
Երեքշաբթի տեղի է ունեցել նախագծային պայմանագրի ստորագրումը, որով Ռուսաստանը կաջակցի տեքստիլի և հագուստի հայ արտադրողներին ՅՈՒՆԻԴՕ-ի ուղիներով (Արդյունաբերական զարգացման հարցերով Միացյալ ազգերի կազմակերպություն)։
Nanman կարի ֆաբրիկայի տնօրեն Արման Կատվալյանը լրագրողներին հետ զրույցում ասաց, որ ծրագիրը թույլ կտա աստիճանաբար դուրս գալ համաշխարհային շուկա։
«Այդ ծրագրով մեզ հնարավորություն է ընձեռվել ներկայացնել ձմեռային վերարկուներ և այլ հագուստ։ Տվյալ պահին մենք ջինսեր ենք արտահանում Ռուսաստանի Դաշնություն»,- ասաց Կատվալյանը։
Ինչպես նշեց կարի ֆաբրիկայի տնօրենը, առայժմ վաղ է խոսել արտադրության ծավալների մասին, բայց նա հույս ունի, որ դրանք կավելանան։ Կատվալյանի խոսքով` հիմա նրա ֆաբրիկայի գործունեությունն ուղղված է ռուսական շուկա հագուստ արտահանելուն, իսկ հետագայում արդեն հնարավորություն կունենա համագործակցել այլ երկրների հետ։
![Одежда армянского производства Одежда армянского производства - Sputnik Արմենիա](https://cdn.am.sputniknews.ru/img/640/14/6401491_0:0:1200:850_600x0_80_0_0_46daea00c4fe2dab072f19dbd4ccc644.jpg)
«Մենք հաճույքով կաշխատենք այլ երկրների շուկաների հետ։ Հուսով ենք, որ կկարողանանք բացել ֆիրմային խանութներ։ Կցանկանայի այլ արտադրողների հետ միասին «5900BC» ապրանքանիշը ներկայացնի մեր հագուստը»,- նշեց նա։
Կատվալյանը հավաստիացնում է, որ ջինսե հագուստը որակով թուրքականից լավն է։
Էկոնոմիկայի նախարարությունը կանխագուշակում է` ամեն ինչ լավ կլինի
Իր հերթին Հայաստանի տնտեսական զարգացման և ներդրումների նախարար Սուրեն Կարայանը նշեց, որ Հայաստանում տեքստիլի ոլորտը հեռանկարային է։
«Այսօր մենք ականատես ենք ծրագրի մեկնարկին, որն աջակցություն կցուցաբերի այդ գործընթացներում։ Մենք կապահովենք առնվազն 3,2 տոկոս տնտեսական աճ, որն ընկած է 2017թ-ի բյուջեի հիմքում»,- ասաց Կարայանը։ Նախարարը նշեց, որ անկախ նրանից` որոշ «ուժեր» ցանկանում են, թե ոչ, այդ նվազագույնը հստակ կապահովի։
«Կարող եմ ասել, որ այն ներդրումային ծրագրերի շրջանակներում, որոնք մենք ներկայացրել ենք ձեզ մի քանի օր առաջ, կստեղծվի 2200 աշխատատեղ»,- հավելեց նախարարը։
Ռուսական ներդրում
ՅՈՒՆԻԴՕ-ի «Հայաստանի արդյունաբերության` արտահանման ուղղվածություն ունեցող ոլորտների մրցունակության բարձրացումն արդիականացման և դեպի շուկաներ մուտքի ընդլայնման հաշվին» նախագիծը մեկնարկել է 2014թ-ին։
![Արմինե Սիմոնյանն ու Սուրեն Կարայանը. ՅՈՒՆԻԴՕ–ի շնորհանդեսը Հայաստանում Արմինե Սիմոնյանն ու Սուրեն Կարայանը. ՅՈՒՆԻԴՕ–ի շնորհանդեսը Հայաստանում - Sputnik Արմենիա](https://cdn.am.sputniknews.ru/img/640/23/6402383_0:0:1599:1005_600x0_80_0_0_6ffe99b731522217bc0948ebaffca9ae.jpg)
![Սուրեն Կարայանը Հայաստանում ՅՈՒՆԻԴՕ–ի շնորհանդեսի ժամանակ Սուրեն Կարայանը Հայաստանում ՅՈՒՆԻԴՕ–ի շնորհանդեսի ժամանակ - Sputnik Արմենիա](https://cdn.am.sputniknews.ru/img/640/24/6402450_0:0:1599:1004_600x0_80_0_0_b5f29d6fb4b8b4d96fbbf2b218d667cd.jpg)
![Արմինե Սիմոնյանն ու Սուրեն Կարայանը. ՅՈՒՆԻԴՕ–ի շնորհանդեսը Հայաստանում Արմինե Սիմոնյանն ու Սուրեն Կարայանը. ՅՈՒՆԻԴՕ–ի շնորհանդեսը Հայաստանում - Sputnik Արմենիա](https://cdn.am.sputniknews.ru/img/640/23/6402303_0:0:1599:1005_600x0_80_0_0_f77d829ba1e7fb2679edafa2cb924730.jpg)
![Հայաստանում Ռուսաստանի դեսպանատան խորհրդական–դեսպանորդ Անդրեյ Իվանով Հայաստանում Ռուսաստանի դեսպանատան խորհրդական–դեսպանորդ Անդրեյ Իվանով - Sputnik Արմենիա](https://cdn.am.sputniknews.ru/img/640/26/6402629_0:0:1600:1004_600x0_80_0_0_1b11b0c1044885b66cb4646302f9c195.jpg)
«Ծրագիրը ֆինանսավորվում է կազմակերպության բյուջեում ռուսական ներդրման որոշակի մասի հաշվին»,- ասվում է Հայաստանում Ռուսաստանի արտակարգ և լիազոր դեսպան Իվան Վոլինկինի ողջույնի խոսքում, որն ընթերցել է Հայաստանում Ռուսաստանի դեսպանատան խորհրդական-դեսպանորդ Անդրեյ Իվանովը։
Դեսպանի խոսքում նշվում է, որ աշխատանքի համար որպես ֆոկուսային ոլորտ ընտրվել է հեռանկարային տեքստիլային արտադրությունը` հաշվի առնելով Հայաստանում արտադրության պատմական առանձնահատկությունները, ունեցած հզորությունները, ոլորտի զարգացման սոցիալական ուղղվածությունը։