ԵՐԵՎԱՆ, 26 հունվարի-Sputnik. Վարչապետ Կարապետյանը հանձնարարեց ՌԴ համապատասխան գերատեսչությունների հետ ակտիվ աշխատանքներ իրականացնել հայ-ռուսական ներդրումային հիմնադրամի ձևավորման մեկնարկը ապահովելու ուղղությամբ:
«Մեղրիի տարածաշրջանում ստեղծվելիք ազատ տնտեսական գոտում ռուսական կապիտալի ներգրավման նպատակով ՌԴ համապատասխան գերատեսչությունների, կազմակերպությունների հետ ապահովել ընթացքը և ներկայացնել ամենամսյա հաշվետվություն»,- ասաց վարդապետը:
Կառավարության նիստից հետո տնտեսական զարգացման և ներդրումների նախարար Սուրեն Կարայանը լրագրողների հետ զրույցում հայտնեց, որ առաջիկա ամիսների ընթացքում կստեղծվի հայ-ռուսական ներդրումային հիմնադրամ։
Հայտնեց նաև, որ ռուս գործարարները տրամադրված են ներդրումներ անել Հայաստանում։
«Բոլորի կողմից ցանկություններ կան, պատրաստակամ են»,-պարզաբանեց նախարարը։
Կարայանը հայտնեց, որ լրիվ իրատեսական է Ռուսաստանից 300 միլիոն դոլարի ներդրումային հոսքը։ Նախարարի կանխատեսմամբ` ավելի շատ էլ կլինի ներդրում։ Նրա խոսքով` ռուսաստանցի ներդրողների շրջանում հիմնական հետաքրքրությունը գյուղատնտեսության ու էներգետիկայի ոլորտներում է կենտրոնացած։
