ԵՐԵՎԱՆ, 9 փետրվարի — Sputnik, Նելլի Դանիելյան. Լապշինին Բաքու արտահանձնելու Բելառուսի որոշումը պատահականություն չէ և հստակ նպատակներ է հետապնդում: Sputnik Արմենիայի հտ զրույցում նման մեկնաբանություն արեց ԱԺ պատգամավոր, ՀԱՊԿ Խորհրդարանական վեհաժողովի քաղաքական հարցերի և միջազգային համագործակցության մշտական հանձնաժողովի նախագահ Խոսրով Հարությունյանը:
«Ոսկե շղթան, որ կախվեց Լուկաշենկոյի պարանոցից, Բաքվում այն ավանսն էր, որ Ալիևը տվեց, ըստ էության՝ կաշառեց,
Բելառուսի նախագահին»,- ասաց Խոսրով Հարությունյանը՝ նկատի ունենալով Իլհամ Ալիևի կողմից իր բելառուս գործընկերոջը շնորհված Հեյդար Ալիևի անվան շքանշանը:
«Շքանշանի դիմաց Լուկաշենկոն խոստացավ վարձահատույց լինել, ինչը և անում է»,- ասաց Խոսրով Հարությունյանը:
Բայց Բելառուսի նման կեցվածքն, ըստ պատգամավորի, ավելի շատ ուղղված է Ռուսաստանին: Բելառուսն արդեն մի քանի տարի փորձում է ապացուցել, որ առանց ռուսական նավթի ի զոու է աշխատեցնել իր նավթավերամշակման հզորությունները: Դրանով Բելառուսը փորձում է ստիպել ՌԴ-ին՝ իջեցնել նավթի և գազի գինը, որոնք, ի դեպ, այս պահին ՌԴ-ի կողմից մատակարարավող երկրներից ամենացածրն են:
«Բելառուսն անգամ փորձել է նավթ ներկրել Վենեսուելայից, ընդ որում՝ ռուսականից կրկնակի թանկ: Անցյալ տարվանից Բերալուսը սկսել է նավթ ներկրել Ադրբեջանից՝ 1 տոննայի դիմաց 59 դոլար ավելի թանկ գնով, քան Ռուսաստանից: Բնական է, որ այս տնտեսապես ոչ շահավետ քայլով Բելառուսն ուզում է ընդամենը հակադրվել Ռուսաստանին՝ ցույց տալով, որ կարող է իր խնդիրները այլ կերպ լուծել: Սա շանտաժ է»,- ասաց Խոսրով Հարությունյանը՝ հավելելով, որ Բելառուսի այս քաղաքականությունը ոչ մի կապ չունի ո՛չ ՀԱՊԿ-ի, ո՛չ ԵԱՏՄ-ի հետ, բայց, միաժամանակ, նաև բացահայտում է, թե ինչպես է Բելառուսը վերաբերվում այդ կառույցներին:
«Լապշինին Ադբեջանին արտահանձնելով՝ Բելառուսն, ըստ էության, նպաստում է ԼՂ-ի հակամարտության կողմերի միջև անվստահության խորացմանն ու կոնֆլիկտի սացմանը: Մինչդեռ, որպես ՀԱՊԿ անդամ երկիր, պարտավոր էր կանխել կողմերից որևէ մեկի նկատմամբ հավելյալ սպառնալիքի ձևավորումը»,- ասում է Խոսրով Հարությունյանը:
Հարցին, թե ինչ հակաքայլեր կձեռնակի Ռուսաստանը Բելառուսի այս քաղաքականության նկատմամբ, պատգամավորը պատասխանեց. «Ինչպպիսին կլինի Ռուսաստանի արձագանքը՝ դժվարանում եմ պատասխանլ, բայց կարծում եմ՝ դա կլինի շոշափելի»:
Մեր զրուցակիցը չի կարծում, որ Ռուսաստանը պատրաստ է աչք փակել տեղի ունեցածի վրա, հատկապես, վերլուծելով ռուսական լրատվամիջոցների վերջին հրապարակումները:
