ԵՐԵՎԱՆ, 9 փետրվարի — Sputnik. Մինսկի կողմից բլոգեր Ալեքսանդր Լապշինին Բաքվին հանձնելու պատճառով Բելառուսին ՀԱՊԿ-ից հեռացնելու վերաբերյալ արված հայ պատգամավորների առաջարկն իրավաբանական հիմքեր չունի, հայտնում է Sputnik Բելառուսը` հղում անելով Բելառուսի ԱԳՆ մամուլի քարտուղար Դմիտրի Միրոնչիկի հինգշաբթի արված հայտարարությանը։
Ավելի վաղ հայ պատգամավորները կոչ էին արել Մինսկին կոշտ պատասխան տալ` Բաքվին Լապշինի արտահանձնման համար։ Նրանք առաջարկել էին Բելառուսին ՀԱՊԿ-ից հեռացնել և հետ կանչել մեր դեսպանին այդ երկրից։
«ՀԱՊԿ-ին անդամակցելը կամավոր է, դա մեր ընտրությունն է։ Բելառուսն իր ընտրությունը կատարել է։ ՀԱՊԿ-ից հեռացնելու առաջարկը իրավաբանական հիմքեր չունի», — ասել է նա։
Նա նաև ասել է, որ Մինսկը շահագրգիռ է Ռուսաստանի հետ լավ հարաբերություններ պահպանելու և նույն էլ սպասում է Ռուսաստանից։
«Արտգործնախարարությունը հաստատում է Ռուսաստանի հետ բարեկամական և դաշնակցային հարաբերությունների կողմնակից լինելը», — ասել է արտգործնախարարության ներկայացուցիչն ու ավելացրել, որ Բելառուսը հույս ունի հանգուցալուծում գտնել առաջացած խնդիրների վերաբերյալ։
Բելառուսի Գերագույն դատարանը փետրվարի 7-ին ուժի մեջ է թողել գլխավոր դատախազության որոշումը` Ադրբեջանին Ռուսաստանի և Իսրայելի քաղաքացիություն ունեցող բլոգեր Լապշինին արտահանձնելու վերաբերյալ։ Նույն օրվա երեկոյան հատուկ չվերթով բլոգերին Մինսկից Բաքու էին տեղափոխել։
