Մանկապարտեզներում հազվադեպ է հրդեհ բռնկվում, անվտանգությունը պահպանվում է

Փետրվարի 7-ին, ժամը 08.15-ին ահազանգ է ստացվել, որ Երևանի Մազմանյան փողոցի 5/5 հասցեում գտնվող մանկապարտեզի սենյակներից մեկում հրդեհ է բռնկվել:

ԱԻՆ Ճգնաժամային կառավարման կենտրոնի օպերատիվ հերթափոխի պետ Արա Սահակյանը նշեց, որ դեպքի վայր է շտապել 4 մարտական հաշվարկ։

Պարզվել է, որ հրդեհը բռնկվել է մանկապարտեզի առաջին հարկի սենյակներից մեկում, որտեղ երեխաներ չեն եղել։ Ոչ ոք չի տուժել, հրդեհի պատճառները դեռևս ճշտվում են։