ԵՐԵՎԱՆ, 6 փետրվարի — Sputnik. «Մանչեսթեր Յունայթեդի» կազմում Մխիթարյանի հերթական փայլուն խաղից հետո, որում կարմիր սատանաները 3։0 հաշվով պարտության են մատնել Անգլիայի գործող չեմպիոն «Լեսթերին», Գարիկ Մարտիրոսյանն Instagram-ի իր էջում տեղադրել է «Մանչեսթեր Յունայթեդ» կայքի սքրինշոթը, որում ասվում է, որ հայ կիսապաշտպանը հերթական անգամ ճանաչվել է հանդիպման լավագույն խաղացող։
Մարտիրոսյանը գրել է. «Առա՛ջ, Հենրիխ, առա՛ջ ՄՅՈՒ»։
Անգլիական պրեմիեր լիգայում Հենրիխի առաջին գոլի պատվին գլուխը սափրած Մարտիրոսյանն այս անգամ արտառոց ոչինչ չի արել։ Սպասենք։
