ԵՐԵՎԱՆ, 6 փետրվարի — Sputnik. ՀԱԿ ընդդիմադիր խմբակցությունը ստորագրահավաք կսկսի խորհրդարանական ընտրությունները ապրիլի 2-ին նշանակելու մասին որոշումը Սահմանադրական դատարանում բողոքարկելու վերաբերյալ։
Խմբակցության ղեկավար Լևոն Զուրաբյանի խոսքով, նրանք մոտ ժամանակները ստորագրահավաքի համար թերթիկ կմշակեն՝ հույս ունենալով հավաքել պատգամավորների 27 ստորագրություն և կդիմեն Սահմանադրական դատարան։
Նա նշեց, որ բոլոր ուսումնասիրությունները ցույց ենտալիս, որ ապրիլի 2-ին ընտրություններ նշանակելը հակասում է Սահմանադրությանը։ Զուրաբյանը կոչ է արել բոլոր պատգամավորներին՝ միանալ իրենց նախաձեռնությանը։
