ԵՐԵՎԱՆ, 4 փետրվարի — Sputnik. «Հազարամյակի մարտահրավերներ» ամերիկյան կորպորացիայի կողմից Հայաստանին դրամաշնորհ տրամադրելը շատ առումներով կախված է ապրիլին կայանալիք ընտրություններից: Այդ մասին Ամերիկայի հայ դատի հանձնախմբի ներկայացուցիչների հետ առցանց երկխոսությունում հայտարարել է Հայաստանում ԱՄՆ-ի դեսպան Ռիչարդ Միլզը:
Նա նշել է, որ ամերիկյան կողմը կհետևի, թե որքանով թափանցիկ և արդար կընթանան ընտրությունները: Միլզը հայտարարել է, որ դրամաշնորհ ստանալու համար Հայաստանը պետք է համապատասխանի կորպորացիայի մի շարք չափանիշների: Դեսպանն անդրադարձել է նաև ԱՄՆ-ի և Հայաստանի միջև ուղիղ ավիահաղորդակցություն կազմակերպելու, Հայաստանում ներդրումային միջավայր ստեղծելու և այլ հարցերի:
Ուղիղ ավիաչվերթների մասին նա նշել է, որ ԱՄՆ-ը նպաստել է Հայաստանում «բաց երկնքի» սկզբունքների ներդրմանը, որը հիմա գործում է, հայկական կողմին մնում է միայն շահագրգռել ամերիկյան ավիաընկերություններին: Ինչ վերաբերում է ներդրումներին, դիվանագետը հիշեցրել է, որ Հայաստանում գործարար միջավայրը բարենպաստ չէ, ինչը թույլ չի տալիս լուծել մի շարք հարցեր, մասնավորապես, կրկնակի քվեարկության և այլն:
