ԵՐԵՎԱՆ, 2 փետրվարի — Sputnik. ՀԱՊԿ կայքում հաղորդվում է, որ «ՀԱՊԿ-ից Բելառուսի Հանրապետության դուրս գալու» լուրերը չեն համապատասխանում իրականությանը։
«Տարբեր զանգվածային լրատվամիջոցներում ԱՊԿ-ից Բելառուսի դուրս գալու մասին հրապարակումների հետ կապված ԶԼՄ-ների ներկայացուցիչների` ՀԱՊԿ քարտուղարություն դիմելու բազմաթիվ դեպքերի առիթով հաղորդում ենք, որ ՀԱՊԿ քարտուղարությունը Բելառուսի Հանրապետությունից ոչ մի դիմում չի ստացել այդ հարցով»,- ասվում է հաղորդագրությունում։
Միաժամանակ նշվում է, որ բելառուսական կողմի նախագահությամբ կանոնավոր կերպով անցկացվում են ՀԱՊԿ մշտական խորհրդի նիստերը, ՀԱՊԿ անդամ երկրների նախարարությունների ներկայացուցիչների խորհրդակցությունները՝ ՀԱՊԿ-ի ընդունած որոշումներն իրագործելու նպատակով։
ՀԱՊԿ-ը ստեղծվել է 2002թ.-ին, այժմ կազմակերպության կազմում վեց պետություն է ընդգրկված`Հայաստանը, Բելառուսը, Ղազախստանը, Ղրղըզստանը, Ռուսաստանը և Տաջիկստանը։ ՀՀ-ն ՀԱՊԿ-ի պայմանագիրը ստորագրել է 1992 թվականի մայիսի 15-ին։ Հայաստանը ՀԱՊԿ-ում նախագահում է 2015 թվականի սեպտեմբերից:
