Տիվայի Հանրապետության նախագահն հրավեր է ուղղել նախագահներ Թրամփին ու Պուտինին, և այդ հրավերն ամեն դեպքում հաճելի զգացողություններ է առաջացնում: Թեկուզ հենց նրանով, որ հանդիպման համար արտասովոր վայր է ընտրված` տայգա: Որքա՞ն էր պետք է սառեցնել գերտերությունների հարաբերությունները, որպեսզի դրանք ջերմացնելու վայր առաջարկվեր Սիբիրի Դաշնային օկրուգը:
Բարձրաստիճան հյուրերին Տիվա հրավիրելով՝ հանրապետության ղեկավար Շոլբան Կարա-օօլը պնդում է, որ համաձայնության հասնելու համար նպաստավոր տեղ է տայգան, որը անկեղծության և փոխըմբռնման է տրամադրում:
Այս կապակցությամբ նա իր մտքերն է արտահայտել սոցցանցերում՝ նշելով, որ Արևմուտքում Ռուսաստանը հաճախ ասոցացվում է Սիբիրի հետ:
Սիբիրյան հանրապետության ղեկավարի կարծիքով` Տիվան՝ իր վայրի և անկրկնելի բնությամբ, նախագահ Վլադիմիր Պուտինի ամենասիրելի հանգստավայրն է, ինչը պատահական չէ. նախագահը նախընտրում է այնտեղ որսի գնալ և ձկնորսությամբ զբաղվել:
Ավելի վաղ Տիվայում է եղել Մոնակոյի իշխան Ալբեր երկրորդը, Տիվայում է եղել նաև Alibaba-ի ղեկավար Ջեք Ման: Բայց հայտնի չէ՝ իրենց այցելություններից հետո նրանք ինչպես են ընկալում «Տայգան օրենք է, արջը` տեր» ասացվածքը:
