ԵՐԵՎԱՆ, 23 հունվարի — Sputnik. ՀՀ ԳՆ սննդամթերքի անվտանգության պետական ծառայության պետի հրամանով, Իրանի Իսլամական Հանրապետությունում արձանագրված թռչունների բարձր ախտածին գրիպ հիվանդության մուտքը Հայաստանի Հանրապետություն կանխելու նպատակով՝ ժամանակավորապես արգելվել է այդ երկրից որոշ ապրանքի ներմուծումը Հայաստան։
Մասնավորապես, առայժմ չի թույլատրվում Իրանի Ճղավեին, Թեհրան, Քիրմանշահ, Գլան, Չերքեզի և Գալստյան նահանգներից Հայաստան կենդանի թռչնի (բոլոր տեսակի), բոլոր տեսակի թռչնամթերքի, հումքի (փետուր, աղվամազ), ապրանքային և ինկուբացիոն ձվի, մսոսկրային ալյուրի, կերերի, լրացակերերի (բացառությամբ սինթետիկ և քիմիական նյութեր պարունակող լրացակերերի), պոլիմերային և ստվարաթղթե պալարային տուփերի և միջադիրների ներմուծումը՝ մինչև այդ երկրում բարձր ախտածին թռչնի գրիպ հիվանդության վերացման մասին տեղեկատվության հրապարակումը:
Արգելանքը չի տարածվում այդ նահանգներից մինչև 2017 թվականի հունվարի 20-ը ներմուծված նշված ապրանքների վրա:
