ԵՐԵՎԱՆ, 22 հունվարի — Sputnik. Հնագետները կարծում են, որ հայտնաբերված կեցավայրն այսօր հայտնի բնակավայրերից ամենահինն է, գրում է Discover գիտահետազոտական հրատարակությունը: Հայաստանում ստորին պալեոլիթի ժամանակաշրջանի քարանձավներից մեկի հետազոտության ժամանակ Ռուսաստանի գիտությունների ակադեմիայի գիտնականները գտել են հնադարյան մարդու բնակավայր:
ՌԳԱ նյութական մշակույթի պատմության ինստիտուտի ղեկավար Վլադիմիր Լապշինի խոսքով՝ բնակավայրը դասվում է գիտությանը հայտնի մարդու հնագույն կեցավայրերի շարքում: Ինչպես հաղորդել են գիտնականները, ստորին պալեոլիթի դարաշրջանում Homo habilis-ները նման են եղել ավստրալոպիտեկներին, բայց ավելի բարդ սոցիալական կառուցվածք և զարգացած ինտելեկտ են ունեցել:
Նրանք կիրառել են քարե զենքեր, կարողացել են ստեղծել կրակ, զբաղվել են որսով, ձկնորսությամբ և պտուղ հավաքելով: Գտածոն անսպասելի էր գիտնականների համար, քանի որ նրանք հույս չունեին նման բան գտնել Անդրկովկասում:
Հետաքրքիր է, որ ավելի վաղ Անդերում հայտնաբերել էին նախնադարյան մարդու ամենաբարձրադիր բնակավայրը: Ինչպես երևում է, հնում մարդիկ կարողացել են գոյատևել բարդ լեռնային պայմաններում:
