ԵՐԵՎԱՆ, 2 հոկտեմբերի — Sputnik. Թուրքիայում հնագետները նախապատմական Վանի նահանգում գտնվող Չավուշթեփե ամրոցի մոտակայքում պեղումներ իրականացնելիս ստորգետնյա ջրահեռացման խողովակներ են հայտնաբերել, որոնք 2800 տարվա պատմություն ունեն, գրում է «Նարոդնիե նովոստի» ԼԳ-ն:
Ինչպես պարզվել է, Թուրքիայում հնագետները քաղաքային ջրահեռացման հնագույն համակարգ են հայտնաբերել, որը ստեղծվել է դեռևս Ուրարտուի թագավորության օրոք:
Հնագետների խոսքով` կոյուղին 1 մետր տրամագծով ճյուղավորված համակարգ է: Այն կազմված է եղել իրար միացված քարերով, որոնց միջոցով կոյուղաջրերն ուղղվել են մեծ խորությամբ փորված ստորգետնյա տարածք:
Մասնագետները կարծում են, որ այն սպասարկել է ոչ միայն ջրամբարները և պալատները, այլև խաղողի այգիները, ցանկապատները, այլև:
Անհետացած պետության վայրում այդ համակարգը հայտնաբերած պատմաբաններն այն անվանել են ինժեներական մտքի հրաշք, քանի որ Ուրարտուի բնակիչները մանրակրկիտ էին ամեն ինչ նախագծել:
Հնագետները նաև պատմել են, որ ուրարտացիները քաղաքակիրթ մարդիկ են եղել և 2800 տարի առաջ սկսելով այս քաղաքի շինարարությունը` Ուրարտու պետության բնակիչները մանրամասն մտածել են, թե որտեղ և ինչ կառուցել:
Ուրարտուն կամ Վանի թագավորությունը որպես պետություն գոյություն է ունեցել մ.թ.ա. 9-6-րդ դարերում։ Թագավորության արքաների թողած արձանագրություններում երկիրը կոչվում է Բիայնիլի, երբեմն` Նայիրի, իսկ ասորեստանյան աղբյուրներում այն հիշատակվում է որպես Ուրարտու:
